AP Jobs: ఏపీ వైద్య ఆరోగ్య శాఖలో మరో నోటిఫికేషన్ జారీ అయ్యింది. డైరెక్టర్ ఆఫ్ మెడికల్ ఎడ్యుకేషన్ (డీఎంఇ) పరిధిలోని మెడికల్ కళాశాలల్లో అసిస్టెంట్ ప్రొఫెసర్ల భర్తీకి చర్యలు చేపట్టింది. ఈ క్రమంలో మొత్తం 424 అసిస్టెంట్ ప్రొఫెసర్ పోస్టుల భర్తీకి మంగళవారం మెడికల్ సర్వీసెస్ రిక్రూట్ మెంట్ బోర్డు నోటిఫికేషన్ విడుదల చేసింది. వివరాలను బోర్డు మెంబర్ సెక్రటరీ ఎం శ్రీనివాసరావు తెలిపారు.
ఈ పోస్టులను డైరెక్ట్ రిక్రూట్ మెంట్, లేటరల్ ఎంట్రీ ద్వారా భర్తీ చేయనున్నట్లు తెలిపారు. సూపర్ స్పెషాలిటీలో 169, బ్రాడ్ స్పెషాలిటీలో 255 అసిస్టెంట్ ప్రొఫెసర్ల పోస్టుల భర్తీ ఈ నోటిఫికేషన్ ద్వారా జరగనున్నాయి. వీటిలో 169 అసిస్టెంట్ ప్రొఫెసర్ల భర్తీకి ఫిబ్రవరి 6న ఓల్డ్ జీజీహెచ్, హనుమాన్ పేట, విజయవాడ డీఎంఈ కార్యాలయంలో ఉదయం 10.30 గంటల నుండి మధ్యాహ్నం 2 గంటల వరకూ వాక్ ఇన్ రిక్రూట్ మెంట్ జరుగుతుందని తెలిపారు.
అలానే బ్రాడ్ స్పెషాలిటీ లో 225 అసిస్టెంట్ పోస్టుల కోసం ఫిబ్రవరి 1 నుండి 15వరకు ఆన్ లైన్ లో ధరఖాస్తు చేసుకోవాలని ఆయన తెలిపారు. ఈ మేరకు పూర్తి వివరాల కోసం https://dme.ap.nic.in లేదా http://apmsrb.ap.gov.in/msrb వెబ్ సైట్ల ను పరిశీలించాలని ఏపీ మెడికల్ సర్వీసెస్ రిక్రూట్ మెంట్ బోర్డు మెంబర్ సెక్రటరీ ఎం శ్రీనివాసరావు తెలిపారు.
Hemant Soren: సీఎం సొరెన్ కు బిగుసుకుంటున్న ఈడీ ఉచ్చు .. లాలు బాటలో సొరెన్ .. సతీమణికి పగ్గాలు..?