BRS: లోక్ సభ ఎన్నికలు దగ్గరపడుతున్న వేళ వరంగల్ జిల్లాలో బీఆర్ఎస్ కు బిగ్ షాక్ తగిలింది. సీనియర్ నేత, బీఆర్ఎస్ మాజీ ఎమ్మెల్యే తొటికొండ రాజయ్య ఆ పార్టీకి రాజీనామా చేశారు. కాంగ్రెస్ పార్టీలో చేరేందుకు సిద్దమైయ్యారు. గత ఎన్నికల్లో బీఆర్ఎస్ నుండి స్టేషన్ ఘన పూర్ అసెంబ్లీ టికెట్ దక్కకపోవడంతో అప్పటి నుండి రాజయ్య అసంతృప్తిగా ఉన్నారు. రాజయ్య రాజీనామాతో వరంగల్ రాజకీయ సమీకరణాలు మారనున్నాయి. 
1997 లో కాంగ్రెస్ పార్టీ ద్వారా రాజకీయాల్లోకి వచ్చిన టీ రాజయ్య 1999 ఎన్నికల్లో స్టేషన్ ఘన్ పూర్ నియోజకవర్గం నుండి పోటీ చేశారు నాటి టీడీపీ అభ్యర్ధి కడియం శ్రీహరి చేతిలో ఓటమి పాలైయ్యారు. 2004 ఎన్నికల్లో రాజయ్యకు టికెట్ లభించలేదు. 2008 లో జరిగిన ఉప ఎన్నికల్లో పోటీ చేసి మరో సారి ఓటమి పాలైయ్యారు. ఆ తర్వాత 2009 లో జరిగిన అసెంబ్లీ ఎన్నికల్లో పోటీ చేసి టీడీపీ అభ్యర్ధి కడియం శ్రీహరిపై విజయం సాధించి తొలిసారి అసెంబ్లీలోకి అడుగు పెట్టారు.
తెలంగాణ ఉద్యమ సమయంలో 2012లో ప్రత్యేక రాష్ట్ర సాధన లక్ష్యంగా కాంగ్రెస్ పార్టీకి, ఎమ్మెల్యే పదవికి రాజీనామా చేసి టీఆర్ఎస్ పార్టీలో చేరారు. 2012లో జరిగిన ఉప ఎన్నికల్లో టీఆర్ఎస్ అభ్యర్ధిగా పోటీ చేసి టీడీపీ అభ్యర్ధి కడియం శ్రీహరిపై రెండో సారి విజయం సాధించారు. ఆ తర్వాత 2014లో తెలంగాణ రాష్ట్రం ఏర్పడిన తర్వాత జరిగిన అసెంబ్లీ ఎన్నికల్లో టీఆర్ఎస్ అభ్యర్ధిగా పోటీ చేసి కాంగ్రెస్ అభ్యర్ధి డాక్టర్ జి విజయరామారావుపై 58వేలకు ఓట్ల పైచిలుకు మెజార్టీతో గెలుపొందారు.
కేసిఆర్ మంత్రి వర్గంలో ఉప ముఖ్యమంత్రిగా, వైద్య ఆరోగ్య శాఖ మంత్రిగా పని చేశారు. తదుపరి 2018 ఎన్నికల్లో కాంగ్రెస్ అభ్యర్ధి ఇందిరా సింగవరపు పై 35వేలకుపైగా ఓట్ల ఆధిక్యతతో విజయం సాధించారు. వరుసగా నాలుగు సార్లు ఎమ్మెల్యేగా రాజయ్య విజయం సాధించారు. గత అసెంబ్లీ ఎన్నికలకు ముందు ఓ మహిళా సర్పంచ్ రాజయ్యపై తీవ్ర స్థాయిలో ఆరోపణలు చేయడం రాష్ట్ర వ్యాప్తంగా తీవ్ర సంచలనం అయ్యింది.
ఆ నేపథ్యంలో బీఆర్ఎస్ అధినేత కేసిఆర్ గడచిన ఎన్నికల్లో రాజయ్యను పక్కన పెట్టి కడియం శ్రీహరికి టికెట్ ఇచ్చారు. రాజయ్య అసంతృప్తిని చల్లార్చేందుకు తెలంగాణ రాష్ట్ర రైతు సమన్వయ సమితి (రైతుబంధు) చైర్మన్ గా కేసిఆర్ సర్కార్ నియమించింది. అయినప్పటికీ రాజయ్య అప్పటి నుండి పార్టీ పై అసంతృప్తిగానే ఉన్నారు. లోక్ సభ ఎన్నికలు దగ్గర పడుతున్న ఈ తరుణంలో బీఆర్ఎస్ కు షాక్ ఇచ్చారు. కాంగ్రెస్ పార్టీలో చేరేందుకు రాజయ్య సిద్దమైనట్లుగా తెలుస్తొంది.
YSRCP: వైసీపీ ఆరవ జాబితా వచ్చేందోచ్ .. కొన్ని సవరణలు ఇలా