Family Star: విజయ్ దేవరకొండ కొత్త సినిమా “ఫ్యామిలీ స్టార్” ఏప్రిల్ 5వ తారీఖు విడుదల కాబోతోంది. ముందుగా తెలుగు, తమిళ్ భాషలలో విడుదల చేస్తున్నారు. ఆ తర్వాత మలయాళం, హిందీ భాషలలో విడుదల చేయబోతున్నారు. ఇప్పటికే “ఫ్యామిలీ స్టార్” సినిమాకి సంబంధించి విడుదలైన టీజర్, ట్రైలర్, సాంగ్స్ ప్రేక్షకులను ఎంతగానో ఆకట్టుకున్నాయి. ఈ సినిమాలో మృణాల్ ఠాకూర్ హీరోయిన్ గా నటిస్తోంది. పరుశురామ్ దర్శకత్వం వహిస్తున్న ఈ సినిమాకి దిల్ రాజు నిర్మాతగా వ్యవహరిస్తున్నారు.
విడుదల తేదీ దగ్గర పడటంతో వచ్చే వారమే ప్రేక్షకుల ముందుకు రాబోతున్న నేపథ్యంలో ప్రీ రిలీజ్ ఈవెంట్ ఏప్రిల్ 2వ తారీఖు నిర్వహించడానికి సిద్ధమయ్యారు. అయితే ఈ కార్యక్రమానికి మెగాస్టార్ చిరంజీవి ముఖ్యఅతిథిగా రాబోతున్నారని సమాచారం. గతంలో “గీతా గోవిందం” సక్సెస్ మీట్ కి చిరంజీవి హాజరై విజయ్ దేవరకొండని అభినందించారు. ఇప్పుడు “ఫ్యామిలీ స్టార్” విడుదలకి ముందే విజయ్ నీ అభినందించాలని భావిస్తున్నారట. అయితే ఈ సినిమా ప్రీ రిలీజ్ ఈవెంట్ రావడానికి మెగాస్టార్ చిరంజీవి ఒప్పుకోవడంతో విజయ్ దేవరకొండ చాలా సంతోష పడినట్లు ఇండస్ట్రీ వర్గాలు అంటున్నాయి. త్వరలోనే ఈ విషయాన్ని అధికారికంగా ప్రకటించబోతున్నట్లు సమాచారం.
ఇప్పటికే ఈ సినిమా ప్రీ రిలీజ్ బిజినెస్ 45 కోట్ల వరకు జరుగుతున్నట్లు సమాచారం. గతంలో “గీతగోవిందం”తో 100 కోట్ల కలెక్షన్స్ రావడం జరిగింది. “ఫ్యామిలీ స్టార్” అన్ని రకాలుగా హిట్ అయ్యే కంటెంట్ లాగానే ఉంది. పైగా హీరోయిన్ మృణాల్ ఠాకూర్ తో విజయ్ దేవరకొండ కాంబినేషన్ కూడా చాలా చూడముచ్చటగా ఉంది. రొమాంటిక్ ప్రేమ కథ నేపథ్యంలో.. యూత్ మరియు ఫ్యామిలీ ఆడియన్స్ చూసే విధంగా సినిమా తీసినట్లు తెలుస్తోంది. వరుసపరాజయాలలో ఉన్న విజయ్ దేవరకొండ గత ఏడాది ఖుషి విజయంతో హిట్టు ట్రాక్ ఎక్కటం జరిగింది. మళ్లీ ఇప్పుడు కూడా అదే జోనర్ కంటెంట్ కలిగిన సినిమా కావటంతో ఫ్యామిలీ స్టార్ కూడా విజయం సాధిస్తుందని.. ఫ్యాన్స్ భావిస్తున్నారు.