Mogalirekulu: సీరియల్స్ తో పాటు పలు సినిమాల్లో కూడా నటించి మంచి పేరు ప్రఖ్యాతలు దక్కించుకున్న నటీనటులలో సాగర్ కూడా ఒకరు. బుల్లితెర ప్రేక్షకులకు ఆర్కే నాయుడుగా బాగా తెలుసు. ఇక ఈ పాపులారిటీ తోనే ఈయన పలు సినిమాల్లో కూడా నటించాడు. అయితే సీరియల్స్ చేస్తున్న సమయంలోనే ఓ సీనియర్ నటి నీకెంత బలుపు? అంటూ తనపై సీరియస్ అయిందన్న విషయాన్ని తాజాగా సాగర్ వెల్లడించాడు. మరి వాటి వివరాలు ఏంటో ఇప్పుడు తెలుసుకుందాం. చక్రవాకం, మొగలిరేకులు వంటి సీరియల్స్ ఒకప్పుడు బుల్లితెరను ఎంతగానో షేక్ చేశాయి. మొగలిరేకులు సీరియల్ లో పోలీస్ ఆఫీసర్గా నటించిన సాగర్ అందులోని ఆర్కే నాయుడు పాత్ర ద్వారా ప్రేక్షకులకు బాగా దగ్గరయ్యాడు.
ఇక ఇప్పటికీ చాలామందికి ఈయన ఒరిజినల్ పేరు సాగర్ కంటే సీరియల్ పేరు ఆర్కే నాయుడు గానే తెలుసు. ఇక తాజాగా ఈయన పాల్గొన్న ఇంటర్వ్యూలో చక్రపాకం తరువాత మొగలిరేకులు సీరియల్ లో నటించే ఛాన్స్ ఎలా వచ్చింది? అనే ప్రశ్న లకు సమాధానం ఇచ్చాడు సాగర్. ” చక్రవాకం సీరియల్ తర్వాత కెరీర్లో ఎటువంటి స్టెప్ తీసుకోవాలి అనే విషయంలో కన్ఫ్యూజ్ అయ్యాను. అయితే అదే సమయంలో ఓ తమిళ సీరియల్లో నటించే అవకాశం వచ్చింది. సీనియర్ నటి రామప్రభ నన్ను రికమెండ్ చేసి.. ఆ తమిళ్ సీరియల్ లో నటించే అవకాశాన్ని ఇప్పించారు.
అయితే డేట్స్ అన్ని ఫిక్స్ అయ్యాక ఏదో కారణంతో నన్ను అక్కడికి వెళ్లలేకపోయాను. ఇక అప్పుడే అదే రామప్రభ కోపానికి కారణమైంది. నిజానికి చెన్నై నాకు తెలీదు. అంతేకాకుండా యాక్టింగ్ స్కూల్లో నేర్పించిన యాక్టింగ్ ఒకటైతే బయట చేయాల్సింది మాత్రం మరొకటి. డ్రామా స్కూల్లో నాకు సహజంగా ఎలా నటించాలి అనే విషయాన్ని నేర్పించారు. కానీ సీరియల్ లో మాత్రం డ్రామాటిగ్గా చేయాలి అనగానే నాకు కష్టంగా అనిపించింది. ఇక ఈ కారణం వల్లే నేను చెన్నైకి వెళ్లలేకపోయా. దీంతో నన్ను రికమెండ్ చేసిన వెళ్లకపోవడంతో రమాప్రభ హర్ట్ అయ్యారు. ఆ తరువాత ఒకరోజు మొగలిరేకులు సీరియల్ స్టార్ట్ కాదా అక్కడికి వెళ్లాల్సి వచ్చింది. అయితే ఆ సెట్లోకి అనుకోకుండా రమాప్రభ కూడా వచ్చారు.
మొగలిరేకులు సీరియల్ టీం తో ఈ అబ్బాయికి చెన్నైలో మంచి ఛాన్స్ ఇప్పిస్తే వెళ్లలేదు అని.. ఇతనికి చాలా పొగరు అని చెప్పారు. అక్కడ హీరోగా నటించే మంచి ఛాన్స్ ని వదులుకున్నాడు అని ఫైర్ అయ్యారు. కానీ నేను మాత్రం సైలెంట్ గా ఉండి ఆ తరువాత నేను ఇక్కడే సీరియల్స్ చేయాలి అనుకున్న అని చెప్పాను. ఎందుకు చెన్నై వెళ్లలేదు అన్న మొగలిరేకులు టీం ప్రశ్నకు నేను ఛాన్స్ ఇవ్వండి ఇక్కడే నటిస్తా అని సమాధానం ఇచ్చాను. ఇక ఆ తర్వాత నన్ను చూసి ఆర్కే నాయుడు అనే పాత్ర ఇచ్చారు ” అంటూ చెప్పుకొచ్చాడు సాగర్. ప్రస్తుతం ఈయన వ్యాఖ్యలు సోషల్ మీడియాలో వైరల్ అవుతున్నాయి.
Pavitra Jayaram: ప్లీజ్ అలా మాట్లాడకండి.. పవిత్ర జయరాం కూతురు ఎమోషనల్ కామెంట్స్..!