Surya Kiran: టాలీవుడ్ ఇండస్ట్రీలో తీవ్ర విషాదం చోటుచేసుకుంది. ప్రముఖ దర్శకుడు సూర్య కిరణ్ కన్నుమూశారు. గత కొంత కాలం నుంచి అనారోగ్య సమస్యలతో బాధపడుతున్న సూర్య కరణ్.. తాజాగా చెన్నైలోని హాస్పిటల్ లో చికిత్స పొందుతూ తుదిశ్వాస విడిచారు. ఈ విషయం తెలుసుకున్న సినీ ప్రముఖులు దిగ్భ్రాంతి వ్యక్తం చేస్తున్నారు. సూర్యకిరణ్ మరణం పట్ల సంతాపం తెలుపుతున్నారు.
చెన్నైలో పుట్టి పెరిగిన సూర్య కిరణ్ దర్శకుడు మాత్రమే కాదు.. నటుడు కూడా. మాస్టర్ సురేష్ పేరుతో 200 కు పైగా చైల్డ్ ఆర్టిస్ట్ గా సినిమాలు చేసిన సూర్యకిరణ్.. పలు చిత్రాల్లో క్యారెక్టర్ ఆర్టిస్ట్ గా కూడా నటించారు. బాలనటుడిగా కేంద్ర ప్రభుత్వం నుంచి రెండు అవార్డులను అందుకున్నారు. సుమంత్ యార్లగడ్డ హీరోగా సత్యం సినిమాను తెరకెక్కించి 2003లో దర్శకుడిగా ఎంట్రీ ఇచ్చారు. ఆ తర్వాత ధన 51, బ్రహ్మాస్త్రం, రాజు భాయ్, చాప్టర్ 6 తదితర చిత్రాలకు దర్శకత్వం వహించారు.
కానీ ఈ సినిమాలేమీ ఆశించిన స్థాయిలో విజయం సాధించలేదు. ఇక డైరెక్టర్ గా కెరీర్ క్లోజ్ అయిపోయిన సమయంలో సూర్య కిరణ్ బుల్లితెర బిగ్గెస్ట్ రియాలిటీ షో బిగ్ బాస్ సీజన్ 7 లో కంటెస్టెంట్గా అడుగుపెట్టారు. బిగ్ బాస్ హౌస్ లో ఎక్కువ రోజులు ఆయన నిలదొక్కుకోలేకపోయారు. తొలివారమే ఇంటి బాట పట్టారు.
ఇకపోతే ప్రముఖ హీరోయిన్ కళ్యాణిని 2010లో సూర్యకిరణ్ ప్రేమించి పెళ్లి చేసుకున్నారు. అయితే వీరి బంధం ఎక్కువ కాలం సాగలేదు. 2016లో సూర్యకిరణ్ కళ్యాణి విడాకులు తీసుకున్నారు. తము విడాకులకు అప్పుల కార్యముని గతంలో సూర్య కిరణ్ ఓ ఇంటర్వ్యూలో తెలిపారు. విడాకులు తీసుకున్న కూడా ఈ జన్మకు నా భార్య కళ్యాణే అని భార్య గురించి ఎంతో గొప్పగా చెప్పుకొచ్చారు.