Pushpa 2: ఐకాన్ స్టార్ అల్లు అర్జున్, సుకుమార్ కాంబినేషన్ లో ‘పుష్ప 2’ మూవీ తెరకెక్కుతోంది. 2021లో వచ్చిన “పుష్ప” సినిమాకి సీక్వెల్ గా వస్తున్న ఈ సినిమా షూటింగ్ శరవేగంగా జరుగుతోంది. ఆగస్టు 15వ తారీకు అంతర్జాతీయ స్థాయిలో సినిమా విడుదల చేస్తున్నారు. మే మొదటి తారీకు.. సినిమాకి సంబంధించి ఫస్ట్ సింగిల్ సాంగ్ రిలీజ్ చేయబోతున్నారు. ఇటీవల విడుదల చేసిన లిరికల్ ప్రోమో వీడియో సోషల్ మీడియాలో అనేక రికార్డులు క్రియేట్ చేయడం జరిగింది. దేవిశ్రీ ప్రసాద్ సంగీతం అందిస్తున్నారు. “పుష్ప” సినిమా ఇండియన్ ఫిలిం ఇండస్ట్రీ స్థాయిని ప్రపంచ స్థాయిలో పెంచేసింది.
ఈ సినిమాలో పాటలు, డాన్స్, స్టోరీ, ఫైట్స్ అన్ని కూడా… ఎంటర్టైన్మెంట్ ప్రేక్షకులను ఎంతగానో అల్లరించటం జరిగింది. తగ్గేదేలే డైలాగ్.. ఇప్పటికీ సోషల్ మీడియాలో ట్రెండ్ సెట్టర్ డైలాగ్. ఈ సినిమాకి గాను అల్లు అర్జున్ ఉత్తమ జాతీయ నటుడు అవార్డు కూడా గెలుచుకున్నారు. దీంతో ఇప్పుడు రెండో భాగం చాలా ప్రతిష్టాత్మకంగా నిర్మిస్తున్నారు. మొదటి భాగం విడుదల చేసిన భాషల్లో కంటే ఎక్కువ అత్యధికమైన భాషల్లో “పుష్ప” రెండో భాగం రిలీజ్ చేస్తున్నారు. జూన్ కల్లా సినిమా పూర్తి చేసి జూలై నుండి సినిమా ప్రమోషన్స్ పెద్ద ఎత్తున చేయబోతున్నారు. “పుష్ప” మొదటి భాగం విడుదలైన సమయంలో కరోనా టైం.
అయినా గాని అలాంటి ప్రమోషన్స్ పెద్దగా చేయకపోయినా హిందీలో 100 కోట్లు కలెక్ట్ చేసింది. కానీ ఈసారి రెండో భాగానికి ఎక్కువ ప్రమోషన్ కార్యక్రమాలు చేయాలని నిర్మాతలు డిసైడ్ అయ్యారు. ప్రధానంగా హిందీ మార్కెట్ దృష్టిలో పెట్టుకుని ఉత్తరాదిలో “పుష్ప” రెండో భాగం ప్రమోషన్స్ పెద్ద ఎత్తున జరగనున్నట్లు సమాచారం. ఇదిలా ఉంటే ఈ సినిమాలో నటించినందుకు బన్నీ భారీ రెమ్యునరేషన్ తీసుకుంటున్నట్లు తెలుస్తోంది. ఆయన ఏకంగా రూ. 150 కోట్ల పారితోషికం అందుకుంటున్నట్లు టాక్. “పుష్ప 1″కు అర్జున్ రూ.100 కోట్లు తీసుకున్నట్లు సమాచారం. మూవీలో రష్మిక మందన్న హీరోయిన్ గా నటిస్తున్నారు. మైత్రీ మూవీ మేకర్స్ నిర్మిస్తోంది.
Pavitra Jayaram: ప్లీజ్ అలా మాట్లాడకండి.. పవిత్ర జయరాం కూతురు ఎమోషనల్ కామెంట్స్..!