Upasana: మెగా పవర్ స్టార్ రామ్ చరణ్ గురించి ప్రత్యేకమైన పరిచయం అవసరం లేదు. అదేవిధంగా మెగా కోడలు ఉపాసన కూడా మనందరికీ సుపరిచితమే. ఈమె పెళ్లికాకముందు కూడా ఎంతోమంది పేదలకి సహాయం చేసి తన గొప్ప మనసును చాటుకుంది. ఇక ప్రస్తుతం కూడా ఉపాసన తనకి తోచినంత సహాయం చేస్తూ ముందుకు సాగుతుంది. ఇక ఇటీవలే ఉపాసన ఒక పండంటి బిడ్డకి జన్మనిచ్చిన సంగతి తెలిసిందే. ఆమెకి క్లీంకార అని పేరును కూడా పెట్టారు. ఇక క్లీంకారా పుట్టిన నాటి నుంచి నేటి వరకు మెగా ఫ్యామిలీ లో ఏదో ఒక మంచి జరుగుతూనే ఉంది.
ఇక తాజాగా ఓ ఇంటర్వ్యూలో పాల్గొన్న ఉపాసనకి పాలిటిక్స్ గురించి ఒక ప్రశ్న ఎదురైంది. విజయ్ పార్టీ పెట్టడం గురించి ఉపాసన ని యాంకర్ అడగగా..” విజయ్ తన సినిమాలతో ఎంతోమంది ప్రేక్షకులని సంపాదించుకున్నారు. అలాగే మార్పు రావడం కోసం రాజకీయాల్లో కూడా ఎంట్రీ ఇచ్చారు. రాజకీయాల్లోకి వచ్చి ఆయన ప్రజలకు సేవ చేయాలని అనుకుంటున్నారు.
నేను ఎప్పుడైనా ఒకటే విషయం చెబుతా.. మార్పు రావాలి అనుకున్నప్పుడు ఎవరైతే మార్పు చేస్తారని మీరు అనుకుంటారో వారి పార్టీని, లీడర్ని చూడకుండానే సపోర్ట్ చేయాలి. ఒకవేళ వారికి మద్దతు ఇవ్వకపోయినా పర్వాలేదు కానీ వెనక్కి మాత్రం లాగవద్దు. ఒక కొత్త నాయకుడికి మద్దతు ఇచ్చినప్పుడే అక్కడ మార్పు జరుగుతుంది అని భావిస్తున్నాను. అది తమిళనాడులో జరుగుతుంది ” అంటూ చెప్పుకొచ్చింది ఉపాసన. ఇక ప్రస్తుతం పవన్ కళ్యాణ్ రాజకీయాల్లో ఉన్నారు.
అదేవిధంగా అంతకుముందు చిరంజీవి సైతం ఓ పార్టీని నిర్మించారు. ఇక మీరు కూడా రాజకీయాల్లోకి వద్దామని అనుకుంటున్నారా అని యాంకర్ ప్రశ్నించగా..” నేను రాజకీయాల్లోకి రావడం అనేది అస్సలు జరగదు. భవిష్యత్తులో కూడా పాలిటిక్స్ లోకి ఎంట్రీ ఇవ్వను. కానీ దేశం మార్పు కోసం అయితే నేను తప్పనిసరిగా వస్తా… నావల్ల నలుగురు బాగుపడుతున్నారు అంటే నేను దాంట్లో ముందుంటా ” అంటూ చెప్పకనే తాను పాలిటిక్స్ లోకి వస్తానని చెప్పేసింది ఉపాసన. ప్రస్తుతం ఉపాసన కామెంట్స్ సోషల్ మీడియాలో వైరల్ గా మారాయి.