Vijay Deverakonda: టాలీవుడ్ ఇండస్ట్రీలో విజయ్ దేవరకొండ కెరియర్ ఎత్తుపల్లాల గుండా వెళ్తూ ఉంది. గత ఏడాది “ఖుషి” సినిమాతో విజయం సాధించటం జరిగింది. ఈ సినిమా విడుదలకు ముందు మూడు సంవత్సరాలు పాటు సరైన హిట్టలేక అనేక ఇబ్బందులు ఎదుర్కొన్నారు. “లైగర్” కోసం ఏకంగా రెండు సంవత్సరాలు పాటు టైం కేటాయించిన మొదటి షోకి అట్టర్ ప్లాప్ అయ్యింది. ఆ తర్వాత తనకి కలిసొచ్చిన రొమాంటిక్ జోనర్ తో “ఖుషి” చేసి ఓ మాదిరి హిట్ అందుకున్నారు. ఆ తర్వాత ఈ ఏడాది “ఫ్యామిలీ స్టార్”తో ప్రేక్షకుల ముందుకు రాగా సినిమా అంతగా ఆడలేదు. గీత గోవిందం దర్శకుడు పరుశురాం డైరెక్షన్ లో వచ్చిన ఈ సినిమా.. ఏమాత్రం ప్రేక్షకులను ఆకట్టుకోలేకపోయింది.
ఇదిలా ఉంటే ఇప్పుడు విజయ్ దేవరకొండ కొత్త సినిమాలో రష్మిక నటించబోతున్నట్లు టాక్ నడుస్తుంది. విషయంలోకి వెళ్తే గీత గోవిందం, డియర్ కామ్రేడ్ తర్వాత ముచ్చటగా మూడోసారి విజయ్ దేవరకొండ – రష్మిక వెండి తెరపై మెరవనున్నట్లు సమాచారం. రాహుల్ సంకృత్యాన్ డైరెక్షన్ లో రౌడీ హీరో చేస్తోన్న మూవీలో నేషనల్ క్రష్ రష్మికను హీరోయిన్ గా తీసుకోవాలని మేకర్స్ భావిస్తున్నారట. 18వ శతాబ్దంలో జరిగిన చారిత్రక సంఘటనల ఆధారంగా పీరియాడిక్ డ్రామాగా సినిమా ఉంటుందని తెలుస్తోంది. విజయ్ బర్త్ డే సందర్భంగా ఇటీవల మూవీని ప్రకటించిన విషయం తెలిసిందే. ఖచ్చితంగా ఈ సినిమాలో రష్మిక పాత్ర స్టోరీ మొత్తానికి హైలైట్ గా ఉంటుందని టాక్.
పైగా విజయ్ దేవరకొండతో ఆమె నటించిన రెండు సినిమాలు సూపర్ బ్లాక్ బస్టర్ విజయాలు అందుకున్నాయి. ఓ విధంగా చెప్పాలంటే విజయ్ కి రష్మిక లక్కీ హీరోయిన్ అని అనవచ్చు. దీంతో రాహుల్ తో చేయబోతున్న సినిమాతో ఎలాగైనా హిట్ అందుకోవాలని.. తన లక్కీ హీరోయిన్ రష్మికని.. విజయ్ రికమండేషన్ చేసినట్లు అందుకే.. తీసుకున్నట్లు సమాచారం. ఈ సమ్మర్ పూర్తయిన వెంటనే ఈ సినిమా రెగ్యులర్ షూటింగ్ స్టార్ట్ కానున్నట్లు ఇండస్ట్రీ వర్గాలు అంటున్నాయి. మరి ఈ సినిమాతో అయినా ఒక పరిపూర్ణమైన బ్లాక్ బస్టర్ విజయ్ అందుకుంటాడో లేదో చూడాలి.