RRR: గత కొద్ది రోజుల నుండి “ఆర్ఆర్ఆర్” పేరు ప్రపంచవ్యాప్తంగా మారుమోగుతోంది. కారణం బాహుబలి లాంటి భారీ బ్లాక్ బస్టర్ తీసిన డైరెక్టర్ రాజమౌళి ఈ సినిమా తెరకెక్కించడం తో… ఎలా ఉంటుందో అన్న ఉత్కంఠతో గత కొద్దిరోజుల నుంచి చూస్తూ ఉన్నారు. ఎట్టకేలకు నిన్న ప్రపంచవ్యాప్తంగా రికార్డు స్థాయి స్క్రీన్ లలో విడుదల చేశారు. “ఆర్ఆర్ఆర్” స్పెషల్ షోల నుండి విడుదలైన ప్రతి చోటా పాజిటివ్ టాక్ సొంతం చేసుకోవడం జరిగింది.
ఫస్ట్ టైం టాలీవుడ్ ఇండస్ట్రీకి చెందిన టాప్ హీరోలు చరణ్, ఎన్టీఆర్ కలిసి నటించడంతో… సినిమా రిజల్ట్ అద్భుతంగా రావడంతో రెండు తెలుగు రాష్ట్రాలలో కలెక్షన్ల పరంగా రికార్డుల మోత మోగుతోంది. మేటర్ లోకి వెళ్తే ఫస్ట్ డే ఆంధ్రప్రదేశ్.. తెలంగాణ రాష్ట్రంలో 73 కోట్ల షేర్ కలెక్ట్ చేసి ఆల్ టైం రికార్డు “ఆర్ఆర్ఆర్” సృష్టించింది. గతంలో “బాహుబలి 2″… 41 కోట్లు షేర్ కలెక్ట్ చేసి రికార్డు సృష్టించిగా ఇప్పుడు ఆ రికార్డుని “ఆర్ఆర్ఆర్” బ్రేక్ చేసి టాలీవుడ్ బాక్సాఫీస్ దగ్గర కొత్త లెక్కలు సెట్ చేసింది. “ఆర్ఆర్ఆర్” సినిమాకి రెండు తెలుగు రాష్ట్రాల ప్రభుత్వాలు టికెట్ల రేట్లు పెంచుకున్నే విషయంలో అనుమతి ఇవ్వడంతో పాటు స్పెషల్ షో లకు కూడా అనుమతులు ఇవ్వటంతో… సినిమాకి పాజిటివ్ టాక్ రావడంతో జనాలు బ్రహ్మరథం పడుతున్నారు.
పైగా సెలబ్రిటీలు చూసి.. డైరెక్టర్ రాజమౌళి పనితనాన్ని.. చరణ్, తారక్ నటనలను ప్రశంసిస్తూ ఉండటంతో…”ఆర్ఆర్ఆర్” కోసం జనాలు ఎగబడుతున్నారు. వీకెండ్ కావడంతో… దేశంలో.. విదేశాలలో టికెట్లు దొరకని పరిస్థితి నెలకొంది. హిందీలో ప్రతి చోట రికార్డ్స్ పరంగా “ఆర్ఆర్ఆర్” కొత్త లెక్కలు సెట్ చేస్తున్నట్లు టాక్. దీంతో ఇక నుండి రానున్న రోజుల్లో నాన్ రాజమౌళి రికార్డులు అనే టైటిల్ పెట్టుకోవాల్సిందే అంటూ.. రాజమౌళి పనితీరుపై సినిమా ప్రేక్షకులు తమదైన శైలిలో అభిమానం చాటుతున్నారు.
Padamati Sandhya Ragam: నేను చేసే ఆ పనిని భరిస్తాడు.. అందుకే అతను నాకు ఇష్టం.. సంధ్య ఇంట్రెస్టింగ్ కామెంట్స్..!