Cancer: క్యాన్సర్ ప్రాణాంతకమైన వ్యాధి.. ప్రపంచవ్యాప్తంగా ఈ వ్యాధి బారిన పడేవారి సంఖ్య పెరుగుతోంది..! బ్లడ్ క్యాన్సర్ ఎవరికి వస్తుంది..! ముందుగా ఎటువంటి లక్షణాలు కనిపిస్తాయో ఇప్పుడు తెలుసుకుందాం..!
బ్లడ్ క్యాన్సర్ ఉన్న వారి శరీరంలో రక్త కణాల ఉత్పత్తి పై చెడు ప్రభావం చూపుతుంది. బ్లడ్ క్యాన్సర్ కు గురైన వారిలో తెల్ల రక్తకణాల ఉత్పత్తి విపరీతంగా పెరుగుతుంది. ఎర్ర రక్త కణాల సంఖ్య పూర్తిగా తగ్గిపోతుంది. దాని వలన రక్తం గడ్డ కట్టడానికి సహాయపడే ప్లేట్ లెట్స్ పూర్తిగా తగ్గిపోతాయి. అందువలన వారి చర్మంపై దద్దుర్లు గాయాలు అయినప్పుడు రక్తం ఎక్కువగా కారుతుంది. వీరిలో రోగ నిరోధక శక్తి కూడా తగ్గిపోతుంది.
బ్లడ్ క్యాన్సర్ మూడు రకాలు. లుకేమియా, మైలోమా, లింఫోమా.. ఈ క్యాన్సర్ బారిన పడే ముందు తరచుగా అలసట, నీరసం, నిస్సత్తువ గా ఉంటది. ఎక్కువగా జ్వరం వస్తుంది. అస్సలు ఆకలి ఉండదు. ఉన్నట్టుగా బరువు తగ్గిపోతారు. రాత్రిపూట నిద్రలో విపరీతమైన చెమటలు పడతాయి. చిగుళ్లు, ముక్కు నుంచి రక్తం కారుతుంది. రక్తహీనత సమస్య వస్తుంది. ఎర్ర రక్త కణాలు తగ్గిపోవడం వలన శరీరానికి కావలసిన ఆక్సిజన్ అందక ఆయాసం వస్తుంది. ఎముకల నొప్పులు కూడా వస్తాయి. వీటిలో నీకు ఏమైనా లక్షణాలు కనిపిస్తే వెంటనే వైద్యులను సంప్రదించి తగిన పరీక్షలు చేయించుకోవడం మంచిది.