Naandhi Review : చాలా రోజుల తర్వాత అల్లరి నరేష్ తాను హీరోగా ఒక థ్రిల్లర్ కథాంశంతో మళ్లీ ప్రేక్షకుల ముందుకు వచ్చాడు. వరలక్ష్మి శరత్ కుమార్, ప్రియదర్శి, శ్రీకాంత్ అయ్యంగార్ ప్రధానపాత్రలలో నటించిన ‘నాంది’ చిత్రానికి విజయ్ కనకమేడల దర్శకత్వం వహించాడు. సతీష్ వేగ్నేశ ఈ సినిమాకు ప్రొడ్యూసర్. శ్రీ చరణ్ పాకల సంగీతం అందించిన ఈ చిత్రం ఎలా ఉందో చూద్దాం….
రియలిస్టిక్ డ్రామాగా తెరకెక్కిన ఈ చిత్రంలో అల్లరి నరేష్ బండి సూర్య ప్రకాష్ గా పరిచయం అవుతాడు. ఇతనిని సినిమా మొదట్లోనే చంచల్ గూడ జైలు కు 14 రోజుల రిమాండ్ కి పంపిస్తారు. అలా ఐదు సంవత్సరాలు గడిచిన తర్వాత ఒక యూట్యూబ్ ఛానల్ వ్యక్తిగా ప్రియదర్శి జైలు లోకి వస్తాడు. ఇతను చంచల్గూడా జైలుకి రెగ్యులర్ గా వచ్చిపోతుంటాడు. యూట్యూబ్ లో అతని పెట్టే వివాదాస్పద టైటిల్స్ వల్ల కేసులు ఫైల్ అయి జైలుకు వస్తుంటాడు. అయితే అక్కడి నుండి కథ అనేక మలుపులు తీసుకొని అల్లరి నరేష్ ఫ్లాష్బ్యాక్ వైపు మళ్ళుతుంది. సామాజిక కార్యకర్త రాజగోపాల్ మర్డర్ కేసు పై పోలీస్ ఇన్వెస్టిగేషన్లో చివరికి కొన్ని ఆధారాలు అల్లరి నరేష్ వైపు ఎలా తీసుకెళ్తాయి…. అతనిని నిందితుడిగా పరిగణించి ఎలా అరెస్టు చేశారు అన్న విషయాన్ని చూపిస్తారు. మధ్యలో అల్లరి నరేష్, హీరోయిన్ నమధ్య కెమిస్ట్రీ…. వారిద్దరికీ జరిగిన నిశ్చితార్థం…. ఆ తర్వాత చిన్నాభిన్నమైన అల్లరి నరేష్ జీవితం చూపిస్తారు. ఇక ఫ్లాష్బ్యాక్ ముగిసిన తర్వాత ఐదు సంవత్సరాలు అయినప్పటికీ ఆ కేసు ఇంకా నడుస్తూనే ఉంటుంది. అప్పుడే రాధిక శరత్ కుమార్ నుండి వచ్చే ట్విస్ట్ తో మొదటి భాగం ముగుస్తుంది. ఆ తర్వాత నరేష్… అసలేం జరిగిందో తెలుసుకునేందుకు జైలు నుండి తప్పించుకునేందుకు ప్రయత్నిస్తుంటాడు. ఆ తర్వాత వచ్చే కోర్టు సీన్లు…. వాటిలో ఈ హత్యకు సంబంధించిన అనేక కీలక విషయాలు బయటకు వస్తాయి. ఇలా చేయని తప్పుకి ఐదు ఏళ్ళ నుండి శిక్ష అనుభవిస్తున్న అల్లరి నరేష్ దాని నుండి ఎలా బయటపడ్డాడు? అందుకు కారణాలు ఏంటి? అసలు అల్లరి నరేష్ ను ఎవరైనా ఈ కేసులో కావాలనే ఇరికించారా? అతను బయట పడాలంటే ఏం చేయాలి…? బయటకి వచ్చి ఏమైనా చేశాడా? అన్న విషయంపై ఈ కథ తిరుగుతూ ఉంటుంది.
ఈ సినిమాలో ఎమోషనల్ కంటెంట్ చాలా బలంగా ఉంది. అల్లరి నరేష్ ఫ్లాష్ బ్యాక్ ఎపిసోడ్ లు, చేయని తప్పుకు అల్లరినరేష్ జైలులో కుమిలిపోయే సీన్లు దర్శకుడు ఎంతో అద్భుతంగా తెరకెక్కించాడు.
అల్లరి నరేష్ నటన గురించి ఈ సినిమాలో చాలా ప్రత్యేకంగా చెప్పుకోవాలి. ఎంతో గ్యాప్ వచ్చినప్పటికీ థ్రిల్లర్ కథాంశాలు అల్లరి నరేష్ కు కొత్త కాదు. తన అనుభవాన్ని మొత్తం రంగరించి ఈ సినిమాలో అద్భుతమైన నటన కనబరిచాడు.
మూవీ లో మరొక ప్రధాన హైలెట్ స్క్రీన్ ప్లే. మామూలుగా థ్రిల్లర్ కథాంశాలకు ఒక టెంప్లేట్ స్క్రీన్ ప్లే ఉంటుంది. కానీ వాటిని బ్రేక్ చేయాలన్నా కూడా అది థ్రిల్లర్ కథలకే సాధ్యం. అలాంటి ఒక అద్భుతమైన స్క్రీన్ప్లేతో ఊహించని మలుపులతో దర్శకుడు ఈ విషయంలో పూర్తి మార్కులు కొట్టేశాడు అని చెప్పాలి.
ముందుగా చెప్పినట్టు ఎమోషన్స్ తో నిండిపోయిన ఈ కథను దర్శకుడు తనకు నచ్చినట్టు ప్రేక్షకులు ఆలోచించేలా చేస్తాడు. చాలా ఇంట్రెస్టింగ్ గా సాగే కథనంతో థ్రిల్ వస్తుంది… ఆ తర్వాత వచ్చే ఫైట్ లు కోర్టు సీన్స్ వంటివి ప్రేక్షకులకు ఎంతో ఆసక్తిని కలిగిస్తాయి.
మొత్తం మీద సినిమా లో ఎటువంటి లాగ్ అనేది లేకుండా మంచి బ్యాక్ గ్రౌండ్ స్కోర్, విజువల్స్, ఎమోషన్స్ తో దర్శకుడు తనలోని వైవిధ్యాన్ని టాలెంట్ మొత్తం ఈ సినిమాలో చూపించేశాడు. వరలక్ష్మీ శరత్ కుమార్ ఈ చిత్రానికి మరొక పెద్ద ప్లస్.
ఈ సినిమాలో అన్ని పాత్రలకు ప్రాముఖ్యత లేకపోవడం ఒక రకంగా మైనస్ అని చెప్పాలి. ముఖ్యమైన పాత్రల నిడివి తక్కువగా ఉండటం కూడా మరొక సమస్య. అయితే పాత్ర క్యారెక్టరైజేషన్ విషయంలో కొద్దిగా ఇబ్బంది పడ్డాడు దర్శకుడు.
సినిమా రెండవ అర్ధ భాగంలో ఎమోషన్ కంటెంట్ పైన పూర్తిగా ఫోకస్ పెట్టి కోర్టు సీన్ లను మరింత రసవత్తరంగా తెరకెక్కించడంలో దర్శకుడు విఫలమయ్యాడు. అవి ఆసక్తికరంగా ఉన్నప్పటికీ అతని చేతిలో ఉన్న మంచి కంటెంట్ తో వాటిని మరింత థ్రిల్లింగ్ గా, ఇంటరెస్టింగ్ గా చేయవచ్చు అనిపిస్తుంది.
అల్లరి నరేష్ పర్ఫామెన్స్ ముందు మిగిలిన వారు కొద్దిగా తేలిపోయినట్లు కనిపిస్తారు. వరలక్ష్మి శరత్ కుమార్ ను మినహాయించి మిగిలిన క్యాస్టింగ్ ఎవరూ వీరిద్దరి రేంజ్ లో ఫర్ఫార్మెన్స్ చేయలేకపోయారు కాబట్టి ఎక్కడో మనం చిన్న సినిమా చూస్తున్నాము అనే భావన కలుగుతుంది.
ఈ సినిమా ట్రైలర్ తోనే అల్లరి నరేష్, దర్శకుడు మంచి మార్కులు కొట్టేశారు. ఎంతో మంచి కథాంశంతో వినూత్నమైన స్క్రీన్ ప్లే తో ప్రేక్షకుల ముందుకు వచ్చిన నాంది సినిమాను ఎంతో జాగ్రత్తగా తెరకెక్కించినట్లు మనకి సీను…. సీన్లో అర్థం అవుతుంది. అల్లరి నరేష్ పర్ఫామెన్స్ కోసం ప్రేక్షకులు కచ్చితంగా థియేటర్ తలుపు తడతారు. ఎమోషనల్ కంటెంట్ కథ ఆద్యంతం కొనసాగుతూ ఉంటుంది. ఇన్వెస్టిగేషన్ అంశాలు కూడా ఆసక్తికరంగా ఉంటాయి. కానీ ఈ విషయంలో దర్శకుడు కొద్దిగా మెరుగుపడచ్చు అనిపించింది. అయితే ప్రేక్షకులను మాత్రం పూర్తిగా కథలో లీనం చేయడంలో డైరెక్టర్ చాలా వరకు సక్సెస్ అయ్యాడనే చెప్పాలి. కోర్టు సన్నివేశాలలో మరింత పరిపక్వత కనబర్చవచ్చు. ఇక సినిమా క్లైమాక్స్ కు వచ్చే సరికి కొత్త యాంగిల్ లోకి మారడం బాగున్నా… అది కూడా కొద్ది మంది ప్రేక్షకులకు అది నచ్చకపోవచ్చు. మొతానికి ‘నాంది’ మాత్రం ఒక మంచి ఎమోషనల్ థ్రిల్లింగ్ రైడ్ అనే చెప్పాలి. క్రైమ్ నేపథ్యంలో థ్రిల్లర్ లను ఇష్టపడేవాళ్ళు తప్పక చూడాల్సిన సినిమా మిగిలిన వారు కూడా ఒకసారి చూడవచ్చు.
This post was last modified on February 19, 2021 1:22 pm
Karthika Deepam 2 April 27th 2024 Episode: దీప సాక్ష్యం చెప్పడంతో పోలీసులు జ్యోత్స్న అరెస్ట్ చేసి తీసుకువెళ్తారు.… Read More
EC Orders on Pension Distribution: ఏపీలో పింఛన్ల పంపిణీకి సంబంధించి ఎన్నికల సంఘం కీలక ఆదేశాలు జారీ చేసింది.… Read More
Faria Abdullah: ఫరియా అబ్దుల్లా.. ఈ ఆరడుగుల అందాన్ని కొత్తగా పరిచయం చేయాల్సిన అవసరం లేదు. హైదరాబాద్లో పుట్టి పెరిగిన… Read More
Manipur: మణిపూర్ లో మరో సారి హింస చెలరేగింది. బిష్ణుపూర్ జిల్లాలోని నారసేన ప్రాంతంలో భద్రతా బలగాలపై సాయుధ మిలిటెంట్లు… Read More
Pushpa: ఐకాన్ స్టార్ అల్లు అర్జున్ హీరోగా క్రియేటివ్ డైరెక్టర్ సుకుమార్ దర్శకత్వంలో వచ్చిన పుష్ప ది రైస్ చిత్రం… Read More
Jagadhatri April 27 2024 Episode 216: కేదార్ భయపడిపోయి జగదాత్రి చెయ్యి తన నెత్తి నుంచి తీసేస్తాడు. ఎందుకు… Read More
Paluke Bangaramayenaa April 27 2024 Episode 213: ఎలుక ఉందని భయపడిపోయిన స్వర పరిగెత్తుకొచ్చి అభి పక్కన బెడ్… Read More
Brahmamudi April 27 2024 Episode 395: దుగ్గిరాల ఇంట్లో రోజుకో రచ్చ జరుగుతూనే ఉంది. నిన్న కావ్య మీడియా… Read More
Naga Panchami: గరుడ రాజు తన గరుడ శక్తిని ఖరాలికి ఆవాహన చేస్తాడు. కరాలి ధన్యోస్మి గరుడ రాజా అంటుంది.… Read More
Mamagaru: అవును వదిన ఇక్కడ ఉంటున్నామనే కానీ తింటే తినబుద్ది అవదు పడుకుంటే పడకో బుద్ధి కాదు అక్కడ ఉంటే… Read More
Nuvvu Nenu Prema 2024 Episode 608: పద్మావతి గురించి విక్కి ఆలోచిస్తూ ఉంటాడు. అటుగా వచ్చిన ఆర్య రేపు… Read More
Krishna Mukunda Murari April 27 2024 Episode 456: కృష్ణ హాస్పిటల్ కి వెళ్లి నిజం తెలుసుకోవాలి అని… Read More
April 27: Daily Horoscope in Telugu ఏప్రిల్ 27 – చైత్ర మాసం – శనివారం - రోజు… Read More
Pushpa 2: ఐకాన్ స్టార్ అల్లు అర్జున్, సుకుమార్ కాంబినేషన్ లో 'పుష్ప 2' మూవీ తెరకెక్కుతోంది. 2021లో వచ్చిన… Read More
Lok sabha Elections 2024: లోక్సభ ఎన్నికల్లో రెండో దశ పోలింగ్ ప్రశాంతంగా ముగిసింది. ఉదయం 7 గంటలకు ప్రారంభమైన… Read More