Faria Abdullah: ఫరియా అబ్దుల్లా.. ఈ ఆరడుగుల అందాన్ని కొత్తగా పరిచయం చేయాల్సిన అవసరం లేదు. హైదరాబాద్లో పుట్టి పెరిగిన ఫరియా.. థియేటర్ ఆర్టిస్ట్ గా కెరీర్‌ ప్రారంభించింది. 2021లో జాతి రత్నాలు మూవీతో హీరోయిన్ గా వెండితెరపై అడుగు పెట్టింది. ఈ చిత్రంలో నవీన్ పోలిశెట్టి కి జోడిగా చిట్టి పాత్రలో నటించి మెప్పించింది. తొలి సినిమాతోనే బిగ్ హిట్ ను ఖాతాలో వేసుకుంది. కానీ ఫరియా అబ్దుల్లాకు అవకాశాలు మాత్రం అంతంత మాత్రంగానే వస్తున్నాయి. ఇందుకు కారణం ఆమె హైటే. ఫరియా ఎత్తు ఆరడుగులు ఉండడం వల్ల టాలీవుడ్ హీరోలు ఆమెను మ్యాచ్ చేయలేకపోతున్నారు.
హైట్ కార‌ణంగా ఎంతో టాలెంట్ ఉన్నా కూడా ఫ‌రియాకు అడపా తడపా అవకాశాలే వస్తున్నాయి. అయిన‌ప్ప‌టికీ ఫరియా అబ్దుల్లా నిరాశ చెంద‌కుండా ఇన్‌స్టాగ్రామ్ ద్వారా హాట్ ఫోటోషూట్స్‌, డ్యాన్స్ వీడియోలు పోస్ట్ చేస్తూ భారీ క్రేజ్ సంపాదించుకుంటోంది. ఇటీవ‌ల బెల్లీ డ్యాన్స్ తో సోష‌ల్ మీడియాను ఓ రేంజ్ లో షేక్ చేసి ప‌డేసింది. ఇక‌పోతే చాలా రోజులకు ఫరియా ఆ ఒక్కటి అడక్కు మూవీ లో హీరోయిన్ గా సైన్ చేసింది. ఈ రొమాంటిక్ కామెడీ మూవీకి మల్లి అంకం దర్శకత్వం వహించారు. అల్లరి నరేష్ హీరోగా నటించిన ఈ చిత్రంలో వెన్నెల కిషోర్, జామీ లివర్, హర్ష చెముడు త‌దిత‌రులు ఇత‌ర ముఖ్య‌మైన పాత్ర‌ల‌ను పోషించారు. గోపీ సుందర్ స్వ‌రాలు అందించాడు.
చిలక ప్రొడక్షన్స్ బ్యాన‌ర్ పై రాజీవ్ చిలక నిర్మించిన ఆ ఒక్కటి అడక్కు సినిమా మే 3న గ్రాండ్ రిలీజ్ కాబోతోంది. ఇప్పటికే విడుదలైన టీజర్ ట్రైలర్ ద్వారా సినిమాపై మంచి అంచనాలు క్రియేట్ అయ్యాయి. ఆ అంచ‌నాల‌ను మరింత పెంచేందుకు మ‌రియు సినిమాను జనాల్లోకి తీసుకెళ్లేందుకు చిత్ర యూనిట్ జోరుగా ప్రచార కార్యక్రమాలు నిర్వహిస్తోంది. ఇందులో భాగంగానే తాజాగా ఓ ఇంటర్వ్యూలో పాల్గొన్న ఫరియా అబ్దుల్లా.. సినిమా గురించి అనేక విష‌యాలు పంచుకుంది. అలాగే ప‌ర్స‌న‌ల్ లైఫ్ గురించి కూడా కొన్ని విశేషాలు పంచుకుంది.
పెళ్లి ప్ర‌స్తావ‌న రాగా.. ఫరియా భ‌విష్య‌త్తులో తనకు ఎలాంటి వ్య‌క్తి భ‌ర్త‌గా రావాలో చెప్పేసింది. నాకు కాబోయే భర్త నాకంటే హైట్ తక్కువగా ఉన్నా పర్లేదు. కానీ అతడికి మంచి సెన్సాఫ్ హ్యుమర్ ఉండాల‌ని ఫరియా అబ్దుల్లా తెలిపింది. ఇప్ప‌టివ‌ర‌కు లైఫ్ లో ఎన్నో భాద‌లు అనుభ‌వించాను. కాబ‌ట్టి నాకు రాబోయే భర్త అయినా ఫ‌న్ గా ఉంటే నా లైఫ్ సంతోషంగా ఉంటుంది. అందుకే హాస్య చతురత ఎక్కువగా ఉండే అబ్బాయిని భ‌ర్త‌గా కోరుకుంటున్నాన‌ని ఫరియా పేర్కొంది. దీంతో ఫరియా అబ్దుల్లా కామెంట్స్ నెట్టింట వైర‌ల్ గా మారాయి. నెటిజ‌న్లు ఫరియా కామెంట్స్ పై ర‌క‌ర‌కాలుగా స్పందిస్తున్నారు.
కాగా, ఆ ఒక్కటి అడక్కు సినిమాపై ఫరియా ఎన్నో ఆశ‌లు పెట్టుకుంది. ఈ సినిమా మంచి విజ‌యం సాధిస్తే తెలుగులో మ‌రికొన్ని సినిమాలు వచ్చే అవకాశాలు పెరుగుతాయి. ఈ కార‌ణంగానే ఆ ఒక్కటి అడక్కు మూవీ మంచి విజ‌యం సాధించాల‌ని ఫరియా ఆశ ప‌డుతోంది. మ‌రి ఆమె ఆశ నెర‌వేరుతుందా.. లేదా.. అన్న‌ది తెలియాలంటే మే 3 వ‌ర‌కు వెయిట్ చేయాల్సిందే.