సుకుమార్ దర్శకత్వంలో స్టైలిష్ స్టార్ అల్లు అర్జున్ హీరోగా తెరకెక్కుతున్న పాన్ ఇండియా సినిమా పుష్ప. ఆర్య, ఆర్య 2 తర్వాత సుకుమార్, అల్లు అర్జున్ కాంబినేషన్ లో వస్తున్న ఈ హ్యాట్రిక్ సినిమా మీద ఫస్ట్ లుక్ పోస్టర్ రిలీజ్ చేసినప్పటి నుంచే భారీ అంచనాలు నెలకొన్న సంగతి తెలిసిందే. ఈ సినిమాని అయిదు భాషల్లో రిలీజ్ చేస్తుండటం కూడా ఇండస్ట్రీలో హాట్ టాపిక్ గా మారింది. ఈ సినిమాలో అల్లు అర్జున్ కి జంటగా కన్నడ బ్యూటీ రష్మిక మందన్న హీరోయిన్ గా నటిస్తుంది.
ఎర్ర చందనం స్మగ్లింగ్ బ్యాగ్డ్రాప్ లో తెరకెక్కుతున్న ఈ సినిమాని సుకుమార్ త్వరలో సెట్స్ మీదకి తీసుకు వెళ్ళబోతున్నాడట. ఈ సినిమాకి రాక్ స్టార్ దేవీ శ్రీ ప్రసాద్ సంగీతమందిస్తున్నాడు. ఇప్పటికే మూడు పాటలని ఫైనల్ చేసినట్టు సమాచారం. ఇక ఈ సినిమాలో ఉన్న ఐటం సాంగ్ లో బాలీవుడ్ హీరోయిన్ ఊర్వశి రౌతెలా లేదా నోరా ఫతేహి లలో ఒకరు చేస్తారన్న టాక్ ఉంది. అల్లు అర్జున్ సుకుమార్ ఎప్పుడంటే అప్పుడు సెట్ లో అడుగు పెట్టడానికి రెడీగా ఉన్నాడట.
ఇక ఈ సినిమా తర్వాత అల్లు అర్జున్ మరో రెండు సినిమాలు కమిటయ్యాడని అంటున్నారు. అందులో ఒకటి సక్సస్ ఫుల్ డైరెక్టర్ కొరటాల శివ దర్శకత్వంలో రూపొందబోయో సినిమా కాగా మరొక సినిమా మహి.వి.రాఘవ్ దర్శకత్వంలో తెరకెక్కనున్న సినిమా అని సమాచారం. అయితే ఈ రెండు సినిమాలలో ముందు ఏ ప్రాజెక్ట్ సెట్స్ మీదకి వెళుతుందో అన్న డైలమా ఇన్నాళ్ళు కొనసాగగా అందుకు బన్నీ క్లారిటీ ఇచ్చి కన్‌ఫర్మ్ చేశాడు. తాజాగా తన 21 వ సినిమా సక్సస్ ఫుల్ డైరెక్టర్ కొరటాల శివ తోనే అని తేల్చేశాడు.