Google Maps : సాంకేతిక పరిజ్ఞానం కొత్త పుంతలు తొక్కుతోంది.. కాలంతో పాటు టెక్నాలజీలో కూడా అనేక మార్పులు వస్తున్నాయి.. టెక్ కంపెనీలు రోజుకో కొత్త ఫీచర్తో వినియోగదారులను ఆకర్షిస్తున్నాయి.. తాజాగా గూగుల్ మ్యాప్స్ సరికొత్త ఫీచర్ ను అందుబాటులోకి తీసుకువచ్చింది.. ఈ ఫీచర్తో కంటి సమస్యకు చెక్ పెట్టవచ్చు..
కంపెనీల మధ్య పోటీ పెరుగుతున్న కారణంగా సరికొత్త ఫీచర్లతో కంపెనీలు యూజర్లను ఆకట్టుకుంటున్నాయి.. ఈ నేపథ్యంలో యూజర్ల కోసం అందుబాటులోకి తీసుకు వచ్చిందే డార్క్ మోడ్ ఫీచర్.. నేటి స్మార్ట్ ఫోన్ వినియోగం లో ఎక్కువగా ఎదుర్కొనే సమస్యల్లో కంటి సంబంధ సమస్యలు ముఖ్యమైనవి.. స్మార్ట్ ఫోన్ స్క్రీన్ నుంచి వచ్చే బ్లూ లైట్ కారణంగా కంటికి హాని కలిగే ప్రమాదం ఉంది ఇందుకోసమే కంపెనీలు ఫీచర్ ను అందుబాటులోకి తీసుకువచ్చాయి. గూగుల్ మ్యాప్స్ ఈ కొత్త ఫీచర్ ను వినియోగదారుల కోసం అందుబాటులోకి తీసుకొచ్చింది. గూగుల్ మ్యాప్స్ యాప్ లోని సెట్టింగ్స్లోకి వెళ్లి థీమ్ లో “ఆల్వేస్ ఇన్ డార్క్ థీమ్” అనే ఆప్షన్ను ఎంచుకుంటే మ్యాప్స్ ను డార్క్ మోడ్ లో చూసుకునే అవకాశం లభిస్తుంది. ఈ ఫీచర్ ద్వారా వినియోగదారుల కళ్ళకు ఇబ్బంది కలగకుండా చూసుకుంటుంది. డార్క్ మోడ్ వల్ల కళ్ళపై ఒత్తిడి తగ్గడంతో పాటు బ్యాటరీ కూడా సేవ్ అవుతుంది. అంతేకాకుండా ఆకర్షణీయంగా ఉంటుందని గూగుల్ ప్రతినిధులు తెలిపారు.