Bheemla Naayak: “బీమ్లా నాయక్” ఫిబ్రవరి 25వ తారీకు రిలీజ్ కానున్న సంగతి తెలిసిందే. దీంతో ప్రమోషన్ కార్యక్రమాలకు చాలా తక్కువ టైం ఉండటంతో సినిమా మేకర్స్ బాగా కష్ట పడుతున్నారు. పొలిటికల్ గ్యాప్ తర్వాత.. “వకీల్ సాబ్” ఆ తర్వాత రెండు సంవత్సరాలకు..”బీమ్లా నాయక్” రిలీజ్ అవుతున్న తరుణంలో పవన్ ఫ్యాన్స్ ఫుల్ ఖుషీగా ఉన్నారు. ఇదిలా ఉంటే ఈ సినిమా హిందీలో కూడా రిలీజ్ కానున్న సంగతి తెలిసిందే. దీంతో పవన్ కళ్యాణ్ ఫస్ట్ హిందీ మూవీ గా అక్కడ రిలీజ్ కానుంది.
అయితే హిందీ లో సినిమాను కొన్న వాళ్ళు… పవన్ కళ్యాణ్ ఫోటో కాకుండా రానా ఫోటోకి ఎక్కువ ప్రాధాన్యత ఇస్తూ పోస్టుల్లో వాటిని ప్రింట్ చేస్తున్నారు అని టాక్. హిందీ ప్రేక్షకులకు పవన్ పెద్దగా తెలిసిన ముఖం కాకపోవటంతో.. “బాహుబలి” మరి ఇంకా చాలా పెద్ద పెద్ద సినిమాలలో రానా బాలీవుడ్ లో చాలా మంది ప్రేక్షకులకు తెలియటంతో.. రానా ఫోటో హిందీ “బీమ్లా నాయక్” పోస్టర్ లో ఎక్కువ వేస్తున్నారట. ఈమధ్య తెలుగు సినిమాలు హిందీలో బాగా కలెక్షన్లు సాధిస్తూ ఉండటంతో.. టాలీవుడ్ లో తిరుగులేని హీరోగా పవన్ క్రేజ్ ఉండటంతో…”బీమ్లా నాయక్” రిజల్ట్ ఎలా ఉంటుందో బాలీవుడ్ ఇండస్ట్రీ ఆసక్తిగా గమనిస్తున్నట్లూ టాక్.
బాహుబలి, ఆ తర్వాత పుష్ప రెండు తెలుగు దర్శకులు తీసిన సినిమాలు .. బాలీవుడ్ ఇండస్ట్రీలో అక్కడి స్టార్ హీరోలకు దిమ్మతిరిగే టట్లు కలెక్షన్లు సాధించాయి. బాహుబలి అయితే చెప్పక్కర్లేదు. నార్త్ మొదలుకొని సౌత్ వరకు అన్ని రికార్డులను తుడిచిపెట్టుకుపోయింది. దీంతో తెలుగు ఇండస్ట్రీ నుండి సినిమా విడుదల అవుతుందంటే చాలు బాలీవుడ్ ఇండస్ట్రీలో గడగడలాడిపోయే పరిస్థితి ఏర్పడింది. మరి ఫిబ్రవరి 25వ తారీకు “బీమ్లా నాయక్” బాలీవుడ్ ఇండస్ట్రీలో ఎటువంటి రిజల్ట్ రాబడుతుందో చూడాలి.