Nails: గోర్లు చూడడానికి అందంగా కనిపిస్తాయి.. అదే నెయిల్స్ కి కాస్త మెరుగులు దిద్దితే చూపరుల దృష్టిని ఆకర్షిస్తాయి.. పైగా గోర్లు మన ఆరోగ్యానికి సూచికలు.. మన ఆరోగ్యం ఎలా ఉందో మన చేతి గోర్లు చూసి చెప్పేయొచ్చు.. అటువంటి గోర్ల పై కాస్త శ్రద్ధ తీసుకోవాల్సిందే..
గోర్లను ఎప్పుడు పడితే అప్పుడు కత్తిరించుకూడదు. ఎందుకంటే అందులో దుమ్ము, దులి పేరుకుపోయి ఉంటాయి . ముఖ్యంగా నోటితో అసలు గోర్లు కోరకకూడదు. ఐదు నిమిషాలు నీటిలో చేతులు నానబెట్టి ఆ తరువాత గోర్లను కత్తిరించి మాయిశ్చరైజర్ అప్లై చేయాలి. లేదంటే నూనె రాసుకున్నా కూడా గోర్లు అందంగా ఉంటాయి.
పగలంతా ఏదో ఒక పని తో బిజీగా ఉంటాము. కాబట్టి రాత్రి నిద్రపోయేముందు గోళ్లను సంరక్షించుకోవడానికి అవసరమైన జాగ్రత్తలు తీసుకోవాలి. రాత్రి నిద్రపోయే ముందు విటమిన్ ఇ ఉన్న మాయిశ్చరైజర్ ను గోళ్ళకు అప్లై చేయాలి. గోళ్లు అందంగా, మృదువుగా ఉండాలంటే గోరువెచ్చని పాలలో పది నిమిషాలు గోళ్ళని ఉంచాలి. మీ డైట్ లో పాలను భాగంగా చేసుకుంటే కాల్షియం అంది గోళ్లు ఆరోగ్యంగా ఉంటాయి.