Sreeleela: జోరు పెంచిన శ్రీ‌లీల.. మ‌రో బంప‌ర్ ఆఫ‌ర్ ప‌ట్టేసిందిగా!

Sreeleela: కె. రాఘవేంద్ర రావు దర్శకత్వ పర్యవేక్షణలో, గౌరీ రోనంకి దర్శకత్వంలో వ‌చ్చిన `పెళ్లి సంద‌D` మూవీతో తెలుగు ఇండ‌స్ట్రీలోకి అడుగు పెట్టిన యంగ్ బ్యూటీ శ్రీ‌లీల‌.. మొద‌టి సినిమాతోనే త‌న‌దైన అందం, అభిన‌యం, చ‌లాకిత‌నంతో తెలుగు ప్రేక్ష‌కుల‌కు బాగా క‌నెక్ట్ అయిపోయింది. ఈ మూవీ త‌ర్వాత శ్రీ‌లీల‌కు బ్యాక్ టు బ్యాక్ ఆఫ‌ర్లు వ‌స్తున్నాయి.

ఇప్ప‌టికే మాస్ మ‌హారాజ్ ర‌వితేజ హీరోగా త్రినాథ‌రావు న‌క్కిన ద‌ర్శ‌క‌త్వంలో తెర‌కెక్కుతున్న `ధ‌మాకా` సినిమాలో హీరోయిన్‌గా ఫిక్సైంది శ్రీ‌లీల‌. అలాగే క‌ర్ణాట‌క మాజీ మంత్రి గాలి జ‌నార్ధ‌న్ రెడ్డి కుమారుడు కిరీటి హీరోగా ప‌రిచ‌య‌వుతూ ఓ చిత్రం తెర‌కెక్కుతోంది. రాధాకృష్ణ ద‌ర్శ‌క‌త్వం వహిస్తున్న ఈ మూవీలోనూ శ్రీ‌లీల హీరోయిన్‌గా న‌టిస్తోంది.

అలాగే వైష్ణవ్ తేజ్ తో ఓ సినిమా, నవీన్ పోలిశెట్టి తో ఓ సినిమా చేసేందుకు సైతం గ్రీన్ సిగ్నెల్ ఇచ్చింన శ్రీ‌లీల.. తాజాగా జోరు పెంచి మ‌రో బంప‌ర్ ఆఫ‌ర్ కొట్టేసింది. వక్కంతం వంశీ దర్శకత్వంలో నితిన్ హీరోగా ఓ సినిమా తెర‌కెక్క‌బోతున్న సంగ‌తి తెలిసిందే. అయితే ఈ సినిమాలో నితిన్‌కు జోడీగా న‌టించే అవ‌కాశాన్ని శ్రీ‌లీల అందుకుంది.

నేడు ఈ మూవీ పూజా కార్య‌క్ర‌మాల‌తో ఘ‌నంగా ప్రారంభ‌మైంది. ఆదిత్య మూవీస్ అండ్ ఎంటర్ టైన్ మెంట్స్ తో కలిసి శ్రేష్ఠ్ మూవీస్ నిర్మిస్తున్న ఈ చిత్రానికి హారిస్ జయరాజ్ సంగీత దర్శకుడు. ఈ చిత్రానికి `జూనియర్` అనే టైటిల్ పరిశీలిస్తున్నార‌ని టాక్ న‌డుస్తోంది.

Happy to collaborate with @VamsiVakkantham garu for my next one #Nithiin32 :))

This is going to be a very special one 😊
Shoot begins soon !

Hoping to have all your love & blessing as always ♥️@sreeleela14 @Jharrisjayaraj #SudhkarReddy #NikhithaReddy @SreshthMovies pic.twitter.com/kWXLw6VLKD

— nithiin (@actor_nithiin) April 3, 2022