Kushi: టాలీవుడ్ ఇండస్ట్రీలో ఎటువంటి బ్యాగ్రౌండ్ లేకుండా అతి తక్కువ టైంలో విజయ్ దేవరకొండ పెద్ద స్టార్ హీరో అయిపోవడం జరిగింది. “అర్జున్ రెడ్డి” సినిమా ఓవర్ నైట్ లోనే విజయ్ దేవరకొండ తలరాత మార్చేసింది. ఇదే విషయాన్ని మెగాస్టార్ చిరంజీవి ఓ సినీ వేదికపై కూడా తెలియజేశారు. తాను స్టార్ ఇమేజ్ సంపాదించడానికి చాలా సంవత్సరాలు పట్టిందని.. కానీ విజయ్ లాంటి కుర్రోడు వేగంగా ఆ స్థాయిని అందుకోవడం జరిగిందని ప్రశంసించారు. దీంతో ఎటువంటి బ్యాగ్రౌండ్ లేకుండా సినీ ఇండస్ట్రీలో అడుగుపెట్టే కొత్త హీరోలకు విజయ్ దేవరకొండ ఒక ఆదర్శం అని అనడంలో ఎటువంటి సందేహం లేదు. ఇక ఇదే క్రమంలో విజయ్ ఎదుగుదలని చూసి ఓర్వలేని అసూయపరులు కూడా ఇండస్ట్రీలో చాలామంది ఉన్నారు.
ఇండస్ట్రీకి చెందిన చాలామంది యంగ్ హీరోలు తమ అంతరంగీక సంభాషణలో హీరో విజయ్ దేవరకొండ మీద తీవ్ర స్థాయిలో విమర్శలు చేస్తుంటారని టాక్ కూడా ఉంది. అంతేకాదు కొంతమంది పరోక్షంగా విజయ్ దేవరకొండ ఉద్దేశించి కౌంటర్లు కూడా వేసిన దాఖలాలు కూడా ఉన్నాయని కొంతమంది అంటుంటారు. ఇదంతా ఒక ఎత్తు అయితే మరో పక్క సోషల్ మీడియాలో టాలీవుడ్ ఇండస్ట్రీలో ఏ హీరో మీద లేని నెగెటివిటీ విజయ్ దేవరకొండ మీద స్ప్రెడ్ చేస్తే చాలా గ్రూపులు ఉన్నాయి. విజయ్ దేవరకొండ సినిమా ఏదైనా హిట్ అయిందంటే మొదట నెగిటివ్ టాక్ తీసుకురావడమే ఈ బ్యాచ్ లు యొక్క టార్గెట్. ఈ రకంగానే విజయ్ దేవరకొండ మరియు రష్మిక మందన నటించిన “డియర్ కామ్రేడ్” సినిమాపై విపరీతమైన నెగెటివిటీ తీసుకొచ్చారు. తద్వారా విజయ్ కెరియర్ లోనే అతిపెద్ద డిజాస్టర్ సినిమాగా నిలిచింది. వాస్తవానికి ఆ సినిమా పరాజయం కావాల్సింది కాదు. కానీ సోషల్ మీడియాలో విపరీతంగా నెగెటివిటీ ప్రచారం చేయడంతో సినిమా దారుణంగా దెబ్బతింది.
కట్ చేస్తే ఇప్పుడు విజయ్ – సమంత ల కొత్త సినిమా ఖుషి దెబ్బతీయటానికి కూడా కుట్ర జరిగినట్లు లేటెస్ట్ గా… ఆధారాలు బయటపడినట్లు ఇండస్ట్రీలో సరికొత్త వార్త వినిపిస్తోంది. మేటర్ లోకి వెళ్తే “ఖుషి” సినిమాకు బుక్ మై షోలో..7కు అటు ఇటుగా రేటింగ్ రావడం జరిగింది. వాస్తవానికి కృషి సినిమా మంచి పాజిటివ్ టాక్ సొంతం చేసుకుంది. ఈ క్రమంలో ఇంకా బెటర్ రేటింగ్ రావాల్సి ఉంది. అయితే బుక్ మై షోలో రేటింగ్ తగ్గటం వెనక.. ఓ ప్రముఖ స్టార్ హీరో పిఆర్ఓ ఉన్నట్లు చర్చ జరుగుతుంది. దాదాపు పదివేల బోట్స్ అకౌంట్ ల ద్వారా సింగిల్ స్టార్ రేటింగ్ ఇప్పించి ఓవరాల్ రేటింగ్ తగ్గేలా చేశారని అంటున్నారు. సినిమా మీద దారుణంగా విమర్శలు చేస్తూ ఒకే రకమైన రివ్యూ లతో రేటింగ్స్ ఇప్పించినట్లు..సినిమా యూనిట్ పట్టుకున్నట్లు చర్చ జరుగుతుంది. అయినా గాని విజయ్ దేవరకొండ ఖుషి సినిమా పాజిటివ్ టాక్ తోనే ప్రజెంట్ దూసుకుపోతూ ఉంది. వరుస పరాజయాలలో ఉన్న విజయ్ దేవరకొండ కి ఈ సినిమా మంచి బ్రేక్ ఇచ్చింది. ఇంతకీ విజయ్ దేవరకొండ ఎదుగుదలను టార్గెట్ చేసిన హీరో ఎవరు అనేది సోషల్ మీడియాలో ఇప్పుడు చర్చనీయాంశంగా మారింది.