Salaar: పాన్ ఇండియా సూపర్ స్టార్ ప్రభాస్ “సలార్” డిసెంబర్ 22వ తారీకు విడుదల కాబోతున్న సంగతి తెలిసిందే. KGF దర్శకుడు ప్రశాంత్ నీల్ తీసిన ఈ సినిమాపై దేశవ్యాప్తంగా భారీ అంచనాలు ఉన్నాయి. ఇప్పటికే ఈ సినిమాకి సంబంధించి విడుదలైన రెండు ట్రైలర్ లు… సినిమాపై ఒక్కసారిగా అంచనాలను పెంచేయడం జరిగింది. మొదటి ట్రైలర్ లో సినిమా స్టోరీ తెలియజేయగా రెండో ట్రైలర్ లో ప్రభాస్ మరియు మలయాల నటుడు పృధ్వీరాజ్ ఇద్దరూ శత్రువులవుతారని ట్విస్ట్ ఇచ్చారు. ఫ్రెండ్షిప్ నేపథ్యంలో మొదలయ్యే సినిమా చివరికి శత్రుత్వం దిశగా సాగుతుందని క్లారిటీ ఇచ్చారు.
ఇదిలా ఉంటే ఈ సినిమాకి సంబంధించి ప్రమోషన్ కార్యక్రమంలో భాగంగా భారతదేశ గ్రేట్ డైరెక్టర్ ఎస్.ఎస్.రాజమౌళి..సలార్ దర్శకుడు ప్రశాంత్ నీల్, ప్రభాస్ మరియు పృధ్వీరాజ్ లతో… ఇంటర్వ్యూ నిర్వహించడం జరిగింది. ఈ ఇంటర్వ్యూలో సినిమాకి సంబంధించి ఇంకా షూటింగ్ టైం లో జరిగిన అనేక సంగతులు వివరించారు. ముఖ్యంగా ప్రభాస్ మాట్లాడుతూ తాను ఈ సినిమా చేస్తున్న సమయంలో హీరోయిన్ శృతిహాసన్ తో కంటే… నటుడు పృథ్వీరాజ్ తోనే ఎక్కువ ప్రేమలో పడినట్లు స్పష్టం చేయడం జరిగింది. తెలుగు సరిగ్గా రాకపోయినా చివరి నిమిషంలో ప్రశాంత్ డైలాగు మార్చిన అస్సలు కోప పడేవాడు కాదు. నా కెరియర్ లో అలాంటి నటుడుని ఇప్పటివరకు చూడలేదు.
“సలార్” షూటింగ్ మొదటి రోజు నుంచి చివరి రోజు వరకు.. చాలా కూల్ గా ఉన్నాడు. అందుకే అతడితో ప్రేమలో పడిపోయా..అని ప్రభాస్ తెలియజేయడం జరిగింది. ఇక ప్రభాస్ తో షూటింగ్ అంటే డైట్ చేయలేమని ఇదే ఇంటర్వ్యూలో పృథ్వీరాజ్ తెలిపారు. షూటింగ్ స్పాట్ కి ఒకసారి.. భార్య మరియు నా కూతురు రావడం జరిగింది. ఆ సమయంలో నా కూతురిని ఏం తింటావు అని ప్రభాస్ అడిగారు. ఆ తర్వాత రోజు దాదాపు 20 ఐటమ్స్ ఇంటికి పంపించారు. ప్రభాస్ పంపిన ఐటమ్స్ కోసం స్పెషల్ రూమ్ తీసుకోవాల్సి వచ్చింది.. అని పృధ్వీరాజ్ తెలియజేశారు. సలార్ సినిమాలో ప్రభాస్ స్నేహితుడి పాత్రలో పృథ్వీరాజ్ కనిపిస్తున్నాడు. వరుస పరాజయాలలో ఉన్న ప్రభాస్ ఈ సినిమాతో ఎలాగైనా విజయం సాధించి హిట్ ట్రాక్ ఎక్కాలని భావిస్తున్నాడు.