Mamagaru March 20 2024 Episode: ఇంతలో గంగ వాళ్ళ అమ్మ అంజమ్మ గంగ కి ఫోన్ చేస్తుంది. గంగ ఏంటమ్మా ఈ ఘోరం నాకు ఇప్పుడే తెలిసింది మీరు మా ఇంటికి రండి అమ్మ అని అంజమ్మ అంటుంది. వద్దులే అమ్మ మేము మహేష్ వాళ్ళ ఇంటికి వెళ్తాం అక్కడికి వస్తే బాగోదు అని గంగ అంటుంది.అదేంటి గంగా అలా అంటావ్ మా ఇంట్లో నువ్వుఉండకూడదా కష్టాల్లో నా కూతుర్ని చూసుకోకూడదా అని అంజమ్మ బాధపడుతుంది. అమ్మ ఆయన అక్కడికి రావడానికి ఇబ్బంది పడతాడు మేము మహేష్ వాళ్ళ ఇంటికి వెళ్దాం అని గంగ అంటుంది. మహేష్ వాళ్లని ఇంటికి తీసుకు వెళ్తాడు. కట్ చేస్తే,
నాన్న వీడు నా ఫ్రెండ్ గంగాధర్ వాళ్ళ వైఫ్ గంగ అని మహేష్ వాళ్లకి పరిచయం చేస్తాడు. నాకెందుకు తెలియదు రా గంగాధర్ మా ఇంట్లో ఎన్ని రోజులైనా ఉండొచ్చు ఎందుకంటే నీ వల్ల మా వాడి షాపు పోయినా పర్వాలేదు వాడే పనికిమాలిన పోకిరిలాగా తిరుగుతున్నాడు వాడికే తిండి దండగ అయినా సరే నువ్వు మా ఇంట్లో హ్యాపీగా ఉండొచ్చు అని వాళ్ళ నాన్న అంటాడు. ఏంటి నాన్న అలా మాట్లాడుతున్నావ్ అని మహేష్ అంటాడు. ఏమన్నాను రా నువ్వు పని చేయకుండా బలాదురుగా తిరుగుతుంటే నీకు ఆదివారం చికెన్ పెడుతున్నాను మిగతా రోజులు చేపలు తింటున్నావు వాళ్లు ఇప్పుడు మన ఇంట్లో ఉంటే ఆఫ్ కేజీ చికెన్ ఎక్కువ అవుతుంది రెండు గ్లాసుల బియ్యం ఎక్కువ అవుతాయి అంతే కదరా రా గంగాధర్ వెళ్లి ఉండు హ్యాపీగా ఇంట్లో టీవీ ఉంది టీవీ పెట్టుకుని చూడు బ్రేక్ వచ్చినప్పుడు
మా ఆవిడని పకోడీ చేసి పెట్టమను అని నాన్న విధాలుగా అవమానిస్తాడు మహేష్ వాళ్ళ నాన్న. నాన్న నాలుగు రోజులే ఉండి వెళ్ళిపోతారు అని మహేష్ అంటాడు. నాలుగు రోజులు కాకపోతే 40 రోజులు ఉండమను రా ఈనేమో చెల్లెలు కోసం ప్రెసిడెంట్ కొడుకుని కొట్టాడు ఇతని అందరూ హంతకుడు అంటున్నారు అయినా పర్వాలేదు మన ఇంట్లోనే ఉంచుకుందాం. ఏం కృష్ణమ్మ వాళ్లకు మర్యాదలు చేయవా అతిధిలో వచ్చారు అని అవమానిస్తాడు మహేష్ వాళ్ళ నాన్న. ఆ మాటలు విన్నా గంగా గంగాధర్ క్షమించండి అంకుల్ వెళ్ళిపోతాం అని వెళ్ళిపోతారు. కట్ చేస్తే,
అన్నయ్య గంగాధర్ విషయంలో నువ్వు మాట్లాడింది చాలా తప్పు అరే వాడికి సపోర్ట్ చేసి మాట్లాడాల్సింది కదా అని పాండురంగ అంటాడు. రేయ్ నేనేం తప్పు మాట్లాడాను రా నాన్న వాడిని ఇంట్లో నుంచి వెళ్ళగొట్టాడు వాడు వెళ్లిపోయాడు వాడు తప్పు చేస్తే నన్ను నిలదీస్తావ్ ఏంట్రా అని సుధాకర్ అంటాడు. నాన్నతో ఒక్క మాట చెప్తే గంగాధర్ ఇంట్లో ఉండేవాడు కదా అన్నయ్య అని పాండురంగ అంటారు.
వాడు వెళ్లిపోవడం నాకేదో సరదా అన్నట్టు మాట్లాడతావ్ ఏంట్రా మనం మాత్రం బాధపడట్లేదా వాడి వల్లేగా ఆస్తి అంతా పోయి రోడ్డున పడ్డాం నేను ఏం మాట్లాడాలో నువ్వు డిసైడ్ చేయకూడదు రా అని సుధాకర్ అంటాడు. ఆ మాటలు విన్న పాండురంగ బాధపడతాడు. కట్ చేస్తే,
మహేష్ గంగ గంగాధర్ ని వేరే ఇంటికి తీసుకువెళ్తాడు.ఆ ఇల్లు చూసినా గంగాధర్ రేయ్ మహేష్ ఈ ఇల్లు ఇప్పుడేకడుతున్నట్టున్నారు గంగని వాళ్ళ ఇంటిదగ్గర దింపి రారా అని అంటాడు. ఏంటండీ మీరు మాట్లాడేది మీరు ఎక్కడ ఉంటే అదే నా ఇల్లు రాముడు అడవిలో ఉంటే సీతకి అదే అయోధ్య మీరు ఎక్కడ ఉంటే నాకు అదే ఇల్లు అని గంగ అంటుంది.రేయ్ గంగాధర్ నేను ఇప్పుడే వస్తాను అంటూ మహేష్ వెళ్ళిపోతాడు. గంగ నేను నిన్ను పెళ్లి చేసుకోక పోయి ఉంటే ఇప్పుడు నేనున్న పరిస్థితుల్లో చచ్చిపోయేవాన్ని అని గంగాధర్ అంటాడు. అలా మాట్లాడకండి అని గంగ గంగాధర్ ని ఓదారుస్తూ చూడండి బాధల్ని అవమానాన్ని కష్టాన్ని వీటిని ఒకే విధంగా చూడకూడదు విడివిడిగా చూడాలి అని అంటుంది. గంగ గంగాధర్ ఇల్లు శుభ్రం చేసుకుంటారు. ఇప్పుడు చూడండి ఇల్లు ఎలా ఉందో అని గంగ అంటుంది.