Shaitan OTT Release: ప్రస్తుత కాలంలో ఎక్కువ మొత్తంలో హారర్ జానెర్ కి చెందిన సినిమాలే ఎక్కువగా రూపొందుతున్నాయి. అదేవిధంగా ఇటువంటి జోనర్ లో వచ్చిన సినిమాలకి కూడా మంచి డిమాండ్ ఏర్పడుతుంది. థియేటర్ల వద్ద ఈ సినిమాలు సూపర్ సక్సెస్ అవుతున్నాయి కూడా. ఇక ఇటువంటి జోనర్ లో వచ్చిన సినిమానే సైతాన్ కూడా. విజయ్ దేవగన్, ఆర్ మాధవన్, జ్యోతిక ప్రధాన పాత్రలో పోషించిన మూవీ నే సైతాన్. ఈ చిత్రానికి ప్రేక్షకుల నుంచి అద్భుతమైన రెస్పాన్స్ దక్కింది. అదేవిధంగా బాక్స్ ఆఫీస్ వద్ద మంచి కలెక్షన్స్ ని కూడా నమోదు చేసింది ఈ మూవీ. వికాస్ బహ్ల్ దర్శకత్వం వహించిన ఈ సినిమా 2023లో వచ్చిన గుజరాతి హారర్ చిత్రం ” వాష్ ” కి రీమేక్.
పేరుకు రీమేక్ అయినప్పటికీ నార్త్ ప్రేక్షకుల అభిరుచికి తగ్గట్లుగా పూర్తి హర్రర్ అంశంతో సైతాన్ సినిమాను తెరకెక్కించాడు దర్శకుడు. మార్చ్ 8న థియేటర్లలో రిలీజ్ అయిన ఈ సినిమా బాక్స్ ఆఫీస్ వద్ద అతిపెద్ద హిట్గా నిలిచింది. రూ. 60 నుంచి 65 కోట్ల బడ్జెట్తో తెరకెక్కిన ఈ మూవీ ప్రపంచవ్యాప్తంగా రూ. 211.06 కోట్ల గ్రాస్ కలెక్షన్స్ సాధించింది. అంతేకాకుండా సినిమా విడుదలైన తొలి పది రోజుల్లోనే ఇండియాలో రూ. 100 కోట్ల క్లబ్ లో చేరింది. వరల్డ్ వైడ్ గా 211 కోట్ల వరకు రాబట్టిన సైతాన్ మూవీ 2024లో అత్యధిక కలెక్షన్స్ సాధించిన నాలుగో భారతీయ చిత్రంగా అవతరించింది. అంతేకాకుండా ఈ అడదిలో అత్యధిక కలెక్షన్స్ రాబట్టిన రెండో హిందీ సినిమాగా రికార్డ్ అందుకుంది.
ఇక భారీ విజయం అందుకున్న ఈ హర్రర్ మూవీ ఎట్టకేలకు ఓటిటిలోకి వచ్చేస్తుంది. సుమారు రెండు నెలల నిరీక్షణ తరువాత డిజిటల్ ప్రీమియర్ కానుంది సైతాన్. ఈ సినిమాను మంచి ధర పెట్టి ప్రముఖ డిజిటల్ ప్లాట్ఫామ్ నెట్ఫ్లిక్స్ కొనుగోలు చేసింది. ఇక ఇప్పుడు మరో నాలుగు రోజుల్లో అంటే మే మూడు నుంచి సైతాన్ సినిమాను ఓటిటి స్ట్రీమింగ్ చేయనుంది నెట్ఫ్లిక్స్. దీనికి సంబంధించిన అధికారిక ప్రకటన ఇటీవలే వచ్చింది. ఇక ఈ సినిమాను హిందీలో మాత్రమే చేస్తారా లేక తెలుగు వంటి ఇతర దక్షిణాది భాషల్లో కూడా రిలీజ్ చేస్తారా అనేది ఇంకా క్లారిటీ రాలేదు.
తెలుగు ఆడియో కూడా అందుబాటులో ఉంటే థియేటర్లలో మిస్ అయిన తెలుగు ఆడియన్స్ నెట్ఫ్లిక్స్ లో సైతాన్ సినిమాను వీక్షిస్తారని చెప్పుకోవచ్చు. లేదా ఇంగ్లీష్ సబ్ టైటిల్స్ తో హిందీలో కూడా చూసి ఆనందించవచ్చు. ఇక ఈ మూవీ కథలోకి వెళితే.. ఒక సంతోషకరమైన కుటుంబంలో అనుకోని అతిధి వచ్చిన తరువాత సంఘటనలతో సాగుతుంది. అపరిచితుడు వారి ఇంట్లోకి ప్రవేశించిన తర్వాత వారి జీవితాలు ఎలా తయారయ్యాయి? అనేది ఈ మూవీలో మెయిన్ హైలెట్గా నిలిచింది. ఇక ఈ సినిమాతోనే జ్యోతిక మళ్లీ సినిమాలలోకి రియంట్రి ఇచ్చింది. ప్రస్తుతం సెకండ్ ఇన్నింగ్స్ స్టార్ట్ చేసిన జ్యోతిక తొలి సినిమాతోనే భారీ విజయాన్ని దక్కించుకుంది.