Russia: ఖలిస్తానీ వేర్పాటువాద నాయకుడు గురుపత్వంత్ సింగ్ పన్నూ హత్య కు కుట్రలో భారత అధికారుల ప్రమేయం ఉందన్న అమెరికా వాదనలను రష్యా తోసిపుచ్చింది. ఈ వ్యవహారంలో యూఎస్ ఇప్పటి వరకూ ఎలాంటి ఆధారాలను అందజేయలేదని తెలిపింది. రష్యా విదేశాంగ శాఖ ప్రతినిధి మరియా జఖరోవా మీడియాతో మాట్లాడారు.
భారత్ లో అంతర్గత రాజకీయ పరిస్థితులను చెడగొట్టడానికి, ప్రస్తుతం జరుగుతున్న సార్వత్రిక ఎన్నికలను క్లిష్టతరం చేయడానికి అమెరికా ప్రయత్నిస్తొందని ఆరోపించారు. ఇది భారత అంతర్గత వ్యవహారాల్లో జోక్యం చేసుకోవడమే అవుతుందని వ్యాఖ్యానించారు.
మత స్వేచ్చ విషయంలో భారత్ ఉల్లంఘనలకు పాల్పడుతోందని కొద్ది రోజుల క్రితం అంతర్జాతీయ మత స్వేచ్చపై అమెరికా కమిషన్ (యూఎస్సీఐఆర్ఎఫ్) నివేదిక ఇచ్చిన సంగతి తెలిసిందే. దీన్ని భారత్ తీవ్రంగా ఖండించింది.
ఇది మా దేశ ఎన్నికల ప్రక్రియలో జోక్యం చేసుకోడమే. యూఎస్సీఐఆర్ఎఫ్ అనేది పక్షపాతంతో వ్యవహరించే సంస్థ. రాజకీయ ఎజెండాతోనే అది పని చేస్తుంది. భారత్ లోని విభిన్న, బహుళార్ధ, ప్రజాస్వామ్య విలువలు ఆ సంస్థకు అర్ధం కావు. ప్రపంచంలోనే అతి పెద్ద ఎన్నికల ప్రక్రియలో ఇలా అమెరికా సంస్థ జోక్యం చేసుకోవడం ఆమోదయోగ్యం కాదు అని న్యూఢిల్లీ స్పష్టం చేసింది. ఈ నేపథ్యంలోనే మీడియా అడిగిన ప్రశ్నకు మారియా పై విధంగా స్పందించారు.
ఈ సందర్భంగా పన్నూ హత్యకు కుట్ర కేసు గురించి మీడియా అడిగిన ప్రశ్నకు బదులిస్తూ ఇప్పటి వరకు మాకు అందుబాటులో ఉన్న సమాచారం ప్రకారం .. ఈ కేసుకు సంబందించి వాషింగ్టన్ నమ్మదగిన సాక్ష్యాలను ఇంత వరకూ అందించలేదనీ, తగిన ఆధారాలు లేనప్పుడు ఈ అంశంపై ఊహగానాలు చేయడం ఆమోదయోగ్యం కాదని మారియా బదులిచ్చారు.
అమెరికాలోని సిఖ్స్ ఫర్ జస్టిస్ (ఎస్ఎఫ్ జే) సంస్థ ప్రతినిధి గురుపత్వంత్ సింగ్ పన్ను ఖలిస్తానీల కీలక నేత. భారత ప్రభుత్వం అతడిని ఉగ్రవాదిగా ప్రకటించింది. అమెరికాలో ప్రాణాంతక ఆపరేషన్ ను భారత గుఢచర్య సంస్థ నిర్వహించడంపై అగ్రరాజ్య అధికారులు విస్మయం వ్యక్తం చేశారని కొద్ది రోజుల క్రితం వాషింగ్టన్ పోస్టు కథనం పేర్కొంది.
అయితే అమెరికా నిఘా విభాగాలు పన్నూపై హత్యయత్నాన్ని అడ్డుకున్నాయని తెలిపింది. అలాగే ఆ రా అధికారి పేరు విక్రమ్ యాదవ్ గా పేర్కొంది. భారత ప్రధాని మోడీకి అత్యంత సన్నిహితమైన అంతర్గత బృందానికి ఈ ప్లాన్ తెలుసునని వ్యాఖ్యానించింది. దీనిపై భారత ప్రభుత్వం తీవ్రంగా స్పందించింది. ఒక సున్నితమైన అంశంపై అ నివేదిక నిరాధారమైన, అనవసర ఆరోపణలు చేస్తొందని, దర్యాప్తు కొనసాగుతున్న వేళ .. ఇలాంటి ఊహాజనితమైన, బాధ్యతారాహిత్య వ్యాఖ్యలు ఏ మాత్రం ప్రయోజనం చేకూర్చవని మండిపడింది.
Indian Student Missing: అమెరికాలో మరో తెలుగు విద్యార్ధి అదృశ్యం .. ఆందోళనలో కుటుంబ సభ్యులు