Covid vaccine ప్రపంచ పటంలో కరోనా వైరస్ ధాటికి అందరి కంటే భారీగా అతలాకుతలమైన దేశం అమెరికా. కేసుల నమోదు లో మొదటి స్థానంలో ఉన్న అగ్రరాజ్యం ప్రస్తుతం యు.కె వైరస్ వల్ల వణికిపోతోంది. రాబోయే రోజుల్లో ఏప్రిల్ నాటికి ఈ వైరస్ అమెరికాలో తీవ్రరూపం దాలుస్తుందని అభిప్రాయం వ్యక్తమవుతోంది. ఇదే విషయాన్ని అంటువ్యాధుల నివారణ నిపుణులు చెబుతున్నారు.
ఇప్పటికే కరోనా వైరస్ వల్ల అగ్రరాజ్యం శవాల దిబ్బగా మారింది. వైరస్ విజృంభణ ఇంకా తగ్గలేదు. వ్యాక్సిన్ సరఫరా చేస్తున్నప్పటికీ కేసుల సంఖ్య పెరుగుతూనే ఉంది. ఇంతలోనే అమెరికన్లకు మరో ముప్పు వచ్చి పడింది. ఆ మధ్యనే బయటపడిన యుకే కరోనా వేరియంట్ వైరస్ అమెరికాను కలవరపెడుతోంది. ఈ కొత్త వైరస్ తో బాధపడుతున్న వారి సంఖ్య క్రమంగా పెరుగుతోంది. ఈ సమయంలో లో ఒక ప్రముఖ అంటువ్యాధుల నివారణ నిపుణుడు ఆంటోనీ ఫాసీ మాట్లాడుతూ యూకే వేరియంట్ వల్ల ఏప్రిల్ నాటికి అమెరికాలో కరోనా కేసులు గణనీయంగా పెరిగే అవకాశం ఉంది అని అన్నారు.
సౌత్ ఆఫ్రికన్ వైరస్ కు సంబంధించిన అంశంపై ఇప్పటికీ స్పష్టత లేదు కానీ గత సంవత్సరం డిసెంబర్ లో బ్రిటన్ లో బయటపడినప్పటికే అమెరికాలో ఇది భారీగా ప్రభావం చూపిస్తుందని అని చెప్పారు. ఇక అమెరికా లెక్కల ప్రకారం మూడు వందల పదిహేను మంది దాని బారిన పడ్డారు. ఈ యుకె వేరియంట్ మామూలు రకం కన్నా 70 శాతం అధికంగా వ్యాప్తి చెందిందని ఈ నివేదికలో వెల్లడైన విషయం తెలిసిందే.
ఇక అమెరికాలో కరోనా తీవ్రత కొనసాగుతూనే ఉంది. మరణాలు కూడా భారీ స్థాయిలో నమోదవుతున్నాయి. ప్రస్తుతం నాలుగు రకాలుగా రూపాంతరం చెందిన వైరస్ ప్రపంచ వ్యాప్తంగా పాకింది. ఇకపోతే ఇప్పటిదాకా కరోనా వైరస్ బారినపడి మరణించిన వారి సంఖ్య 22 లక్షలు దాటడం గమనార్హం.