Pawan Kalyan : పవన్ కళ్యాణ్ హీరోగా క్రిష్ దర్శకత్వంలో “హరిహర వీరమల్లు” సినిమా తెరకెక్కుతున్న సంగతి తెలిసిందే. మొగలుల సామ్రాజ్యం కాలంనాటి పౌరాణిక సినిమాగా తెరకెక్కుతున్న ఈ సినిమాలో పవన్ కళ్యాణ్ గజ దొంగగా నటిస్తున్నట్లు వార్తలు వస్తున్నాయి. మొన్న సినిమాకి సంబంధించి టైటిల్ మరియు చిన్నపాటి వీడియో పవన్ కళ్యాణ్ అభిమానులను ఎంతగానో ఆకట్టుకోవడం జరిగింది. ఇలాంటి తరుణంలో ఈ సినిమా కోసం బాలీవుడ్ ఇండస్ట్రీకి చెందిన యాక్షన్ స్టంట్ పెద్ద టెక్నీషియన్లను రంగంలోకి దింపారట డైరెక్టర్ క్రిష్.
బాలీవుడ్ ఇండస్ట్రీ లో అతి పెద్ద భారీ ప్రాజెక్ట్ గా తెరకెక్కిన భారీ బడ్జెట్ సినిమాలు ధూమ్ 3, క్రిష్ త్రీ వంటి సినిమాలకు పని చేసిన యాక్షన్ స్టంట్ మాస్టర్ కౌశల్ ని ఈ సినిమా కోసం డైరెక్టర్ క్రిష్ వాడుతున్నారట. ఈ నేపథ్యంలో ఇప్పటికే కౌశల్ ఆధ్వర్యంలో సినిమాలో ఒక సన్నివేశం కోసం పవన్ కళ్యాణ్ చేత స్టంట్ కూడా చేయించినట్లు ఆయన ఇటీవల సోషల్ మీడియా ద్వారా తెలిపారు.
ఈ సినిమాలో పోరాట సన్నివేశాలు.. ఫైట్లు ఈ సినిమాకే హైలెట్ గా ఉండే విధంగా డైరెక్టర్ క్రిష్ అన్ని విధాల జాగ్రత్తలు తీసుకుంటున్నట్లు ఇండస్ట్రీ టాక్. ఈ నేపథ్యంలో ఎక్కడా కాంప్రమైజ్ కాకుండా పవన్ కళ్యాణ్ కూడా సినిమా కోసం 100% కష్టపడుతున్నాడట. ఖుషి సినిమా నిర్మాత ఏఎం రత్నం నిర్మిస్తున్న ఈ సినిమా పవన్ కళ్యాణ్ కెరీర్లోనే అతి పెద్ద భారీ బడ్జెట్ సినిమా. ఈ సినిమాకి సంబంధించిన షూటింగ్ చాలా శరవేగంగా సాగుతున్న నేపథ్యంలో.. సినిమా వచ్చే ఏడాది సంక్రాంతి పండుగకు రిలీజ్ అయ్యే అవకాశం ఉన్నట్లు సమాచారం.