Sri Rama Navami : తెలుగు ప్రజలందరికీ హీరో అంటే శ్రీరామచంద్రుడే. జగదేకవీరుడు అయినా ఆ శ్రీరామచంద్రుడు ఏమి చేసిన మహా అద్భుతం అని ప్రజలు భావిస్తుంటారు. అందుకోసమే మనదేశంలో చాలామంది వారి పిల్లలకు రాముడు పేరు కలిసి వచ్చే విధంగా పెడుతుంటారు.కేవలం సాధారణ ప్రజలు మాత్రమే కాకుండా మన తెలుగు ఇండస్ట్రీలో చాలా మంది హీరోలు రాముడు పేరు పెట్టుకొని వెండితెరపై ప్రేక్షకులను సందడి చేస్తున్నారు. మరి రాముడు పేరుతో వెండితెరపై సందడి చేస్తున్న ఆ హీరోలు ఎవరో తెలుసుకుందాం..
సినీ జీవితంలో రాముడు పాత్రలు అంటే వెంటనే గుర్తొచ్చేది విశ్వవిఖ్యాత నట సార్వభౌముడు సీనియర్ ఎన్టీఆర్ గారు గుర్తుకు వస్తారు. ఈయన తెరపై మాత్రమే కాకుండా తెర వెనుక కూడా రాముడే. నందమూరి తారక రామారావు అనే పేరుకు తగ్గట్టుగానే ఎంతోమంది అభిమానులకు ఆరాధ్య దైవం. తెలుగులో ఎన్టీఆర్ అంతటి గుర్తింపును సంపాదించుకున్న మరొక హీరో ఎంజీఆర్. ఈయన తమిళ ప్రజలకు శ్రీరామచంద్రుడు. ఎంజీఆర్ పూర్తి పేరు ఎం.జీ రామచంద్రన్.
ప్రస్తుత హీరోలలో శ్రీరామచంద్రులు వీళ్లే:
సీనియర్ ఎన్టీఆర్ లేని లోటును జూనియర్ ఎన్టీఆర్ తీరుస్తున్నారు. అచ్చం తాత ఎన్టీఆర్ పోలికలతో, అతని నటన లాగే ఆయన పేరు పెట్టుకొని ఎంతోమంది అభిమానులను సొంతం చేసుకున్నారు ఈ జూనియర్ తారక రామారావు. నందమూరి కుటుంబంలో ఎంతోమంది రామచంద్రులు ఉన్నారు. కళ్యాణ్ రామ్ హీరోగా మాత్రమే కాకుండా నిర్మాతగా మంచి గుర్తింపును సంపాదించుకున్నారు. అదేవిధంగా నందమూరి నాలుగో తరంలో మాస్టర్ ఎన్టీఆర్ లు కూడా ఎంతో గుర్తింపును సంపాదించుకున్నారు.
రాములు అంటే కేవలం నందమూరి కుటుంబంలో మాత్రమే కాకుండా మెగా కుటుంబం నుంచి కూడా రాముడి పేరు పెట్టుకుని మంచి విజయాలతో దూసుకుపోతున్నారు మెగా పవర్ స్టార్ రామ్ చరణ్ తేజ్. అదేవిధంగా దగ్గుబాటి ఫ్యామిలీ నుంచి రానా. ఇతని పూర్తి పేరు రామానాయుడు. తెలుగు సినిమా ఇండస్ట్రీలో మరొక రాముడు హీరో రామ్. రామ్ దేవదాస్ వంటి చిత్రం ద్వారా పరిచయమై ఇస్మార్ట్ శంకర్ వంటి మాస్ చిత్రాల ద్వారా ప్రేక్షకులను సందడి చేస్తున్నారు.ఈ విధంగా హీరోలు మాత్రమే కాకుండా ఎంతో మంది నిర్మాతలు దర్శకులు కూడా ఆ రాముని పేరు పెట్టుకుని ఇండస్ట్రీలో చక్రం తిప్పుతున్నారు.