RRR: “బాహుబలి” తర్వాత రాజమౌళి దర్శకత్వంలో “RRR” వస్తున్న నేపథ్యంలో ఈ సినిమాపై అంతర్జాతీయస్థాయిలో అంచనాలు నెలకొన్నాయి. “బాహుబలి”తో రాజమౌళి తన సత్తా చాటడంతో ఈ సినిమా రిలీజ్ కోసం ఎంతగానో అభిమానులు ఎదురుచూస్తున్నారు. ఎన్టీఆర్.. రామ్ చరణ్ మొట్టమొదటిసారి కలిసి నటించడంతో సౌతిండియాలో ఈ సినిమాకి పెద్ద మల్టీస్టారర్ సినిమాగా క్రేజ్ సంపాదించుకుంది.
మరోపక్క బాలీవుడ్ ఇండస్ట్రీ “బాహుబలి” తర్వాత రాజమౌళి దర్శకత్వంలో వస్తున్న సినిమా కావడంతో ఈ సినిమా ఎన్ని అద్భుతాలు సృష్టిస్తుందో అని ఎదురు చూస్తున్నారు. దీంతో ఈ సినిమా నుండి విడుదల అవుతున్న ఫోటో లేదా వీడియోలు సోషల్ మీడియాలో అనేక రికార్డులు సృష్టిస్తున్నాయి. ఇటీవలే రోర్ ఆఫ్ RRR పేరిట సినిమా మేకింగ్ వీడియో రిలీజ్ చేసిన రాజమౌళి సినిమా పై ఒక్కసారిగా అంచనాలను పెంచేశారు. ఆ వీడియో అనేక రికార్డులు యూట్యూబ్లో సృష్టించింది.
కాగా ఆదివారం ఆగస్టు మొదటి తారీకు సినిమాకి సంబంధించి ఫస్ట్ సింగిల్ సాంగ్ దోస్తీ .. సినిమా యూనిట్ రిలీజ్ చేయగా.. టాలీవుడ్ ఇండస్ట్రీలో సరికొత్త రికార్డులు సృష్టించింది. విషయంలోకి వెళితే ఈ సాంగ్ 19 నిమిషాల్లోనే 100k సాధించడం జరిగింది. ఇప్పటివరకు ఈ తరహా రికార్డు 19 నిమిషాలలో టాలీవుడ్ ఇండస్ట్రీలో ఏ సినిమా క్రియేట్ చేయలేదు. ఇదిలా ఉంటే ఈ సినిమాకి సంబంధించి చివరి బ్యాలెన్స్ షూటింగ్ కంప్లీట్ చేయడానికి సినిమా యూనిట్ తాజాగా యూరప్ వెళ్ళినట్లు ఇండస్ట్రీ టాక్. ప్రమోషన్ సాంగు కోసం భారీ ఎత్తున ఖర్చు చేయడానికి నిర్మాతలు సన్నాహాలు చేస్తున్నట్లు.. ఈ షెడ్యూల్ తో సినిమా మొత్తం కంప్లీట్ కానున్నట్లు సమాచారం.