Kalki 2898 AD: యంగ్ రెబల్ స్టార్ ప్రభాస్ ఫ్యాన్స్ పండగ చేసుకుంటున్నారు. ఇప్పటికే “సలార్” సినిమా విజయంతో ఫుల్ ఖుషిగా ఫ్యాన్స్ కి మారుతి సినిమాకి సంబంధించిన పోస్టర్ మరియు టైటిల్ ప్రకటన సంక్రాంతికి విడుదల చేయబోతున్నట్లు తెలియజేయడం జరిగింది. ఇదిలా ఉంటే నాగ్ అశ్విన్ దర్శకత్వంలో ప్రభాస్ నటిస్తున్న “కల్కి 2898 AD” సినిమాకి సంబంధించి పోస్టర్ ఊహించని విధంగా డిసెంబర్ 28వ తారీకు విడుదల చేయడం జరిగింది. నేడు ఐఐటి బాంబేలో ఈ సినిమా దర్శకుడు నాగ్ అశ్విన్ ప్రసంగించనున్నారు. ఈ సందర్భంగా విడుదల చేసిన పోస్టర్ సోషల్ మీడియాలో వైరల్ అవుతుంది.
ఈ పొస్టర్ లో ప్రభాస్ లుక్.. చాలా కొత్తగా ఉంది. హిందూ మైథాలజీ స్టోరీ తో సైన్స్ ఫిక్షన్ థ్రిల్లర్ గా ఈ సినిమాని మేకర్స్ చిత్రీకరిస్తున్నారు. వాస్తవానికి “కల్కి 2898 AD” జనవరి నెలలో విడుదల కావాల్సింది. అయితే సినిమా షూటింగ్ ఇంకా పూర్తి కాకపోవడంతో సినిమా వాయిదా పడినట్లు తెలుస్తోంది. మరి నెక్స్ట్ విడుదల తేదీ ఎప్పుడో ఇంకా ప్రకటించలేదు. అయితే నేడు ముంబైలో బాంబే ఐఐటీ కాలేజీ ఫెస్ట్ లో దర్శకుడు నాగ్ అశ్విన్ పాల్గొంటూ ఉన్నారు. అక్కడ టెక్నికల్ విద్యార్థులతో ఇంట్రాక్ట్ కాబోతున్నారు. ఈ సందర్భంగా కల్కి గ్రాఫిక్ వర్క్స్ ఇంకా అనేక విషయాలు గురించి తెలియజేయబోతున్నారు.
ఇదిలా ఉంటే ఈ సినిమాకి సంబంధించి షూటింగ్ చాలా వరకు హాలీవుడ్ కెమెరాలతో చిత్రీకరించడం జరిగిందట. కొన్ని వందల కోట్లు విలువ చేసే ఈ కెమెరాలను రెంటుకు తీసుకొచ్చి ఈ సినిమాని చిత్రీకరించినట్లు టాక్. ఇండియన్ ఫిలిం ఇండస్ట్రీలో ఇప్పటివరకు ఎవరు తీయని విధంగా ఈ సినిమాని చిత్రీకరించారట. “కల్కి 2898 AD”లో కమల్ హాసన్ విలన్ పాత్రలో నటిస్తున్నారు. అమితాబ్ బచ్చన్, దీపికా పదుకొనే, దిశాపటాని సినిమాలో కీలకపాత్రను పోషించడం జరిగింది. ఈ సందర్భంగా ముంబై ఫెస్టులో ప్రభాస్ కలికి సినిమా పోస్టర్స్ విడుదల చేయడంతో ప్రభాస్ ఫ్యాన్స్ పండగ చేసుకుంటున్నారు.