ఉమ్మ‌డి ప‌శ్చిమ గోదావ‌రి జిల్లాలోని దెందులూరు నియోజ‌క‌వ‌ర్గంలో వైసీపీ ప‌రిస్థితి ఏంటి? గ‌త ఎన్నిక‌ల్లో ఏదో గాలి వాటంగా నెట్టుకొచ్చేసిన ప్ర‌స్తుత ఎమ్మెల్యే అబ్బ‌య్య చౌద‌రికి.. ఇప్పుడు కాక పుడుతోంది. ఇది ఎవ‌రో టీడీపీ వాళ్లో లేదా అపొజిష‌న్ వాళ్లో చెబుతున్న మాట కాదు. సొంత పార్టీనాయ‌కులు.. అబ్బ‌య్య చౌద‌రి వెనుక తిరిగిన నేత‌లే చెబుతున్నారు. ఒకింత ఆశ్చ‌ర్యం వేసినా.. ఇది నిజం. ఎక్కువ మంది వ‌స్తున్నార‌ని.. నాయ‌కులు అనుకున్నా.. ఆ వ‌చ్చేవారిలో ఎంత మంది నిజ‌మైన కార్య‌క‌ర్త‌లో తెలుస్తుంది.
ఇలానే.. జ‌నాలు జై కొట్టినంత మాత్రాన, జ‌నాలు జేజేలు పలికినంత మాత్రాన గెలిచిన‌ట్టు కాదు. ఓట‌ర్ల స‌ర‌ళి.. తొలి ప్ర‌చారంలోనే తెలిసిపోతుంది. అలానే.. అబ్బ‌య్య చౌద‌రి ప్ర‌చారానికి భారీగా జ‌నాల‌ను తీసుకువచ్చినా ఓట‌ర్ల నాడి మాత్రం చింత‌మ‌నేని వైపు ఉంద‌ని సొంత పార్టీ కార్య‌క‌ర్త‌లే… అబ్బ‌య్య చౌద‌రి చుట్టూ ఉన్న‌వారే చెబుతున్నారు. పైకి చెప్ప‌క‌పోయినా.. లోలోన గుస‌గుస‌లాడుతున్నారు. ఇక మావోడు క‌ష్ట‌మేన‌ని అనేస్తున్నారు. ఈ ప‌రిణామం వైసీపీ ప‌రిస్థితిని తేట‌తెల్లం చేస్తోంది.
ఎందుకిలా.. ?
రాజ‌కీయాల్లో క్షేత్ర‌స్థాయి ప‌రిస్థితిని నాయ‌కుల కన్నా కూడా.. కార్య‌క‌ర్త‌లు, క్షేత్ర‌స్థాయిలో ప‌నిచేస్తున్న వా రు ముఖ్యంగా ప‌సిగ‌డ‌తారు. ముందుగా కూడా ప‌సిగ‌డ‌తారు. ఇదే అబ్బ‌య్య చౌద‌రి విష‌యంలోనూ జ‌రిగింది. గ‌డిచిన ఏడాది నుంచి కూడా.. ఆయ‌న గ్రాఫ్ బాగోలేద‌న్న‌ది ఆయ‌న వ‌ర్గ‌మే చెబుతున్న మాట. అయితే.. స‌హ‌జంగా నాయ‌కుల‌కు ఉండే ల‌క్ష‌ణం ఏంటంటే.. త‌మ‌కు ఎదురుగాలి వీస్తోంద‌ని అంటే.. వారికి న‌చ్చ‌దు. అందుకే.. అబ్బ‌య్య కూడా క‌ళ్లు తెర‌వ‌లేక పోయారు. ఇప్పుడు క‌ళ్లు తెరిచినా.. కాళ్లు తెరిచినా ప్ర‌యోజ‌నం లేద‌నేది ఆయ‌న వ‌ర్గంలోని కీలక నాయ‌కులు చెబుతున్నారు. ఆయ‌న పేరు చెప్పుకుని ఆయ‌న కుటుంబ స‌భ్యులు, ఆయ‌న అనుచ‌ర‌గ‌ణం చేసిన దందాలు, అవినీతి అంతా ఇంతా కాద‌న్న విమ‌ర్శ‌లే ఎక్కువుగా వినిపిస్తున్నాయి.
దెందులూరులో అస‌లేం జ‌రిగింది..?
+ క్షేత్ర‌స్థాయిలో కామ‌న్ ప్ర‌జ‌ల‌కు-ఎమ్మెల్యే అబ్బయ్యకు మ‌ధ్య భారీ గ్యాప్ పెరిగిపోయింది.
+ ఏ స‌మ‌స్య ఉన్న ఇంటికి వెళ్లాలి.. వెళ్లినా ఎవ‌రో ఒక‌రిద్ద‌రు నేత‌ల‌కు మిన‌హా మిగిలిన వారికి ప‌ల‌క‌రింపులు ఉండ‌వు. పోనీ ఏదోలా స‌మ‌స్య చెప్పుకున్నా ఆ స‌మ‌స్య ప‌రిష్కారం అవుతుంద‌న్న గ్యారెంటీ లేదు. ఇది కూడా అబ్బయ్యకు మైన‌స్ అయిపోయింది.
+ అన్నింటా తండ్రి పెత్త‌నం. స‌మాంత‌ర ఎమ్మెల్యేగా చ‌క్రం తిప్పిన వైనం కూడా.. ఇప్పుడు మైన‌స్ అయ్యేందుకు దోహ‌ద ప‌డింది.
+ ఎలా చూసుకున్నా.. ఇప్పుడు అబ్బ‌య్య ప‌రిస్థితి `పోలిగాడు పోనూ పోయాడు-రానూ వ‌చ్చాడు!` అన్న సామెత‌ను గుర్తు చేస్తోంద‌ని అంటున్నారు ప‌రిశీల‌కులు.