This week OTT Releases: ప్రతి వీకెండ్ అనేక సినిమాలు అనేక జోనర్లలో ఓటీటీలోకి వస్తున్న సంగతి తెలిసిందే. ఇదే క్రమంలో ఈ వారం కూడా ఓటిటి సినిమాలు రిలీజ్ కానున్నాయి. వీటిలో కొన్ని ఇప్పటికే ఓటీటీలోకి వచ్చేయగా మరికొన్ని రాబోతున్నాయి. రెండు క్రైమ్ థ్రిల్లర్ వెబ్ సిరీస్ లతో పాటు తెలుగు, హిందీ, తమిళ్, ఇంగ్లీష్ భాషల్లో చాలా సినిమాలు ఈ వీకెండ్ అందుబాటులోకి రానున్నాయి. మరి ఆ సినిమాలు ఏంటో వాటి డీటెయిల్స్ ఏంటో ఇప్పుడు తెలుసుకుందాం.
1. ఆవేశం:
ఈమధ్య మలయాళం లో రిలీజ్ అయి సూపర్ డూపర్ హిట్ గా నిలిచిన ఫహిద్ ఫాజిల్ మూవీ నే ఆవేశం. ఈ సినిమా నేడు అనగా మే తొమ్మిదవ తారీకున ఓటిటి స్ట్రీమింగ్ కు వచ్చింది. ఈ మూవీని ప్రైమ్ వీడియోలో వీక్షించవచ్చు.
2. గీతాంజలి మళ్లీ వచ్చింది:
అంజలి ప్రధాన పాత్రలో నటించిన ఈ కామెడీ హారర్ చిత్రం బుధవారం అనగా మే 8 వ తారీకు సాయంత్రం ఏడు గంటల నుంచి ఆహా ఓటీటీలో స్ట్రీమింగ్ అవుతుంది. ఇక గతంలో రిలీజ్ అయిన గీతాంజలి మూవీకి ఈ గీతాంజలి మళ్లీ వచ్చింది సినిమా సీక్వెల్.
3. చిత్రం చూడరా:
ఈటీవీ విన్ ఓటీటీలోకి నేడు అనగా మే తొమ్మిదవ తారీకున చిత్రం చూడరా అనే యాక్షన్ క్రైమ్ థ్రిల్లర్ మూవీ అందుబాటులోకి వచ్చింది. వరుణ్ సందేశ్, కమెడియన్ ధనరాజ్, కాశి విశ్వనాథ్ నటించిన ఈ సినిమా నేరుగా ఓటీటీలోకి వచ్చేసింది.
4. పార్థు:
ఇక ఈటీవీ విన్ ఓటీటీలోని ఈ మూవీ కూడా నేడు అనగా మే 9 నుంచి స్ట్రీమింగ్ కు వచ్చింది. ఈ సినిమా సైకో థ్రిల్లర్ గా రూపొందింది. తమిళ్ నుంచి తెలుగులోకి డబ్ చేశారు ఈ సినిమాని. రెండేళ్ల కిందట థియేటర్లలో వచ్చిన ఈ సినిమా ఇప్పుడు ఓటీటీలోకి రిలీజ్ అయింది.
5. పార్ట్నర్:
ఆది పినిశెట్టి, హన్సిక ప్రధాన పాత్రను పోషించిన సినిమానే పార్ట్నర్. ఈ సినిమా కూడా బుధవారం అనగా మే 8 నుంచి ఆహా తమిళ్ ఓటీటీలో స్ట్రీమింగ్ అవుతుంది. గత ఏడాది ఆగస్టులో తమిళ్లో రిలీజ్ అయిన ఈ సినిమా ఇన్నాళ్లకు ఓటిటిలోకి వచ్చింది.
6. రోమియో:
విజయ్ ఆంటోని హీరోగా నటించిన ఈ రోమియో మూవీ తెలుగులో లవ్ గురు పేరుతో రీమేక్ చేయబడింది. ఈ సినిమా రేపు అనగా మే 10 నుంచి ఓటిటిలోకి అందుబాటులోకి రానుంది. ఈ సినిమా ఆహా మరియు ప్రైమ్ వీడియోలో చూడవచ్చు.
7. అన్దేఖీ సీజన్ 3:
ఈ వెబ్ సిరీస్ నేరుగా ఓటీటీలోకి రేపు అనగా మే 10వ తారీఖున అడుగుపెట్టనున్నాయి. ఇప్పటికే రెండు సీజన్లకు మంచి రెస్పాన్స్ రావడంతో మూడో సీజన్ పై భారీ అంచనాలు ఉన్నాయి. ఈ సినిమాని సోనీ లీవ్ లో చూడవచ్చు.
8. మర్డర్ ఇన్ మహీమ్:
ఈ వీకెండ్ ఓటిటి లోకి వస్తున్న మరో సైకలాజికల్ క్రైమ్ థ్రిల్లర్ సిరీస్లో ఈ మర్డర్ ఇన్ మహీమ్ కూడా ఒకటి. విజయ్ రాజ్, అశుతోష్ తో పాటు తదితరులు నటించిన ఈ సిరీస్ శుక్రవారం అనగానే పదవ తారీకు నుంచి జియో ఓటిటి లో స్ట్రీమింగ్ కానుంది.
ఇక ఈ సినిమాలన్నింటికంటే ప్రతి ఒక్కరి ధ్యాస గీతాంజలి మళ్లీ వచ్చింది సినిమా పైనే ఉంది.
Pavitra Jayaram: ప్లీజ్ అలా మాట్లాడకండి.. పవిత్ర జయరాం కూతురు ఎమోషనల్ కామెంట్స్..!