Pills: గర్భ నిరోధక మాత్రలు.. ఈ పిల్స్ తీసుకున్న వారికి పిల్లలు అవసరం లేదన్న విషయం తెలిసిందే..! సాధారణంగా ఈ మాత్రలు ఇప్పటివరకు మహిళలకు మాత్రమే అందుబాటులో ఉన్నాయి.. తాజాగా ఇప్పటినుంచి ఆ మాత్రలు పురుషులకు కూడా..!
తాజాగా అమెరికా శాస్త్రవేత్తలు మగవారికి కూడా గర్భ నిరోధక మాత్రలను అభివృద్ధి చేశారు. ఎటువంటి దుష్ప్రభావాలు లేకుండా ఎలుకలపై 99 శాతం ప్రభావవంతంగా పని చేశాయని వారు తెలియజేశారు. ఈ పిల్స్ ఈ సంవత్సరం ఆఖరి నాటికి మనుషుల పై ట్రైన్స్ నిర్వహించే అవకాశం ఉందని అమెరికా శాస్త్రవేత్తలు గురువారం అన్నారు. ఈ పరిశోధనల నివేదికలను త్వరలో జరగనున్న అమెరికన్ కెమికల్ సొసైటీ సమావేశంలో ప్రదర్శించనున్నట్లు వెల్లడించారు. పురుషుల జనన నియంత్రణ ఎంపికలను, వారి ఆలోచనలు విస్తరించే దిశగా ఈ పిల్స్ రూపొందించినట్లు పరిశోధకులు తెలిపారు.
ఇప్పటి వరకు ఈ గర్భనిరోధక మాత్రలు కేవలం మహిళలకు మాత్రమే ఉండేవి . ఇప్పటినుంచి పురుషులకు కూడా అందుబాటులోకి తీసుకురావడానికి అమెరికన్ పరిశోధకులు ఎలుకలపై ప్రయోగం చేయగా అవి విజయవంతం అయ్యాయి. నేషనల్ ఇన్స్టిట్యూట్ ఆఫ్ హెల్త్, మెల్ కాంట్రాసెప్టివ్ ఇనిషియేటివ్ నుంచి నిధులు పొందిన యువర్ ఛాయిస్ దెరప్యుటిక్స్ అనే సంస్థ సహాయంతో ఈ పరిశోధనలు జరుగుతున్నాయి. 2022 సంవత్సరం నాల్గవ త్రైమాసికంలో తన బృందం మనుషులపై ట్రైల్స్ వెయ్యటం ప్రారంభించనున్నట్లు జార్జ్ తెలిపారు.