RRR: “ఆర్ఆర్ఆర్” దాదాపు నాలుగు సంవత్సరాల పడ్డ కష్టానికి.. రికార్డులు బ్రేక్ అయ్యే రిజల్ట్ రావడంతో.. సినిమా యూనిట్ ఫుల్ హ్యాపీగా ఉంది. విడుదలైన ప్రతి చోట బ్లాక్ బస్టర్ టాక్ సొంతం చేసుకోవడంతో.. అభిమానులు సంబరాలు చేసుకుంటున్నారు. దేశ విదేశాలలో సైతం ఇదే పాజిటివ్ టాక్ ఉండటంతో.. రికార్డు స్థాయి కలెక్షన్లు కొల్లగొడుతుంది. ఫస్ట్ టైం చరణ్, ఎన్టీఆర్ కలిసి నటించడంతో.. సినిమాకి జనాలు బ్రహ్మరథం పడుతున్నారు.
ఇద్దరు సిల్వర్ స్క్రీన్ పై పోటీపడి మరీ నటించడం జరిగింది. ఇక ఇదే సమయంలో రాజమౌళి టేకింగ్ మరో లెవెల్లో ఉండటంతో.. ప్రతి సన్నివేశం చూస్తున్న ప్రేక్షకులను రక్తి కట్టిస్తుంది. ముఖ్యంగా భావోద్వేగాలను చిత్రీకరించడంలో .. చూసే ప్రేక్షకుడు గుండె పిండేసే రీతిలో…”ఆర్ఆర్ఆర్” సినిమాని జక్కన్న తీశాడని చూసిన జనాలు అంటున్నారు. పాజిటివ్ టాక్ రావడంతో… అభిమానులతో పాటు సెలబ్రిటీలు.. సినిమా చూడటానికి థియేటర్లకు క్యూ కడుతున్న పరిస్థితి ఏర్పడింది. ఈ నేపథ్యంలో AMB థియేటర్ లో.. చిరంజీవి ఫ్యామిలీ సినిమా చూడటం జరిగింది.
సినిమా చూసిన అనంతరం రామ్ చరణ్ అక్క సుస్మిత సంచలన వ్యాఖ్యలు చేశారు. చరణ్ ఎన్టీఆర్ ఇద్దరూ కూడా నిజంగా అన్నదమ్ములేమో… అనిపించిందని చెప్పుకొచ్చారు. ఇద్దరూ కూడా నిజమైన అన్నదమ్ముల్లా “ఆర్ఆర్ఆర్” లో ఉన్నారని తెలిపారు. ఇక డ్యాన్స్ గురించి ఎంత చెప్పినా తక్కువే అని.. చరణ్ మరియు తారక్ స్టెప్ లపై తనదైన శైలిలో కామెంట్లు చేయడం జరిగింది. సినిమా మొత్తానికి క్లైమాక్స్ లో ఇద్దరు కలిసి రావటం.. ఆ సీన్ నాకు బాగా నచ్చింది. అద్భుతంగా చిత్రీకరించారు అంటూ సుస్మిత..”ఆర్ఆర్ఆర్” పై పాజిటివ్ కామెంట్లు చేయడం జరిగింది.