Sound party OTT release: బిగ్బాస్ హౌస్లో అడుగుపెట్టి మంచి పాపులారిటీ సంపాదించుకోవడంతో పాటు కప్పు కూడా గెలుచుకున్న వారిలో సన్నీ ఒకరు. తన ఆటకాయితనంతో పాటు ఆడే తీరు వరకు ప్రతిదీ ప్రేక్షకులని ఆకట్టుకుంది. బిగ్బాస్ తెలుగు ఐదవ సీజన్లో పాల్గొని మంచి పాపులారిటీ దక్కించుకున్నాడు సన్నీ. ఇక పాపులారిటీ తో పాటు విజేతగా గెలిచి ప్రైజ్ మనీతో పాటు కప్పును కూడా గెలిచాడు. దీంతో ఈయన పాపులారిటీ భారీగా పెరిగింది.
ఈ జోష్ తోనే వరుస సినిమాలు చేశాడు. ఇక ఈ క్రమంలోనే సన్నీ హీరోగా నటించిన సౌండ్ పార్టీ మూవీ గత ఏడాది నవంబర్ 24వ తేదీన థియేటర్లో సందడి చేసింది. కానీ ఈ మూవీ పెద్దగా ప్రేక్షక ఆదరణ పొందలేకపోయింది. ఇక థియేటర్లో ప్లాప్ అయిన సినిమాలు ఓటీటీలో సంచలనం సృష్టిస్తున్నాయి నేటి కాలంలో. ఇక ఈ క్రమంలోని ఇప్పుడు సౌండ్ పార్టీ సినిమా ఓటీటీకి వచ్చేందుకు రెడీ అయింది. మార్చ్ 8వ తేదీన ప్రముఖ ఓటీటీ సంస్థ ఆహాలో స్ట్రీమింగ్ కి రానుంది ఈ మూవీ.
ఈ విషయాన్ని స్వయంగా ఆహా ఫ్లాట్ ఫారం వారే నేడు అనగా మార్చి 4వ తారీఖున అధికారికంగా ప్రకటించారు. బ్రైట్ కామెడీ మూవీ అంటూ ఓ పోస్టర్ని కూడా విడుదల చేసింది ఆహా. సౌండ్ పార్టీ మూవీ సుమారు 100 రోజుల అనంతరం ఓటీటీలోకి రావడం విశేషం. గత నవంబర్ 24 థియేటర్లో రిలీజ్ అయిన ఈ మూవీ ఇప్పటివరకు ఓటీటీలోకి రాకుండా మార్చి 8న వచ్చేందుకు సిద్ధమయ్యింది.
ఇక ఈ సినిమాలో సన్నీ తన నటనతో ప్రతి ఒక్కరిని ఆకట్టుకున్నప్పటికీ ఈ సినిమా ఆడక పోవడం బాధాకరం. అదేవిధంగా ఈ సినిమాలో సన్నీ సరసున హృతిక్ శ్రీనివాస్ నటించింది. పృధ్విరాజ్, ఆలీ తదితరులు ఈ సినిమాలో కీలక పాత్రలు వహించి కామెడీని పండించారు. మరి ఈ సినిమా థియేటర్లో అయితే అట్టర్ ఫ్లాప్ అయ్యింది. ఓటీటీలో ఎంత మేరా ప్రేక్షకఆదరణ పొందుతుందో చూడాలి.