Megha Akash: 2024 ఆరంభం నుంచి సినీ పరిశ్రమలో వరుసగా వెడ్డింగ్ బెల్స్ మోగుతున్నాయి. ఒకరి తర్వాత ఒకరు తమ సింగిల్ లైఫ్ కు గుడ్ బై చెప్పి మింగిల్ అయిపోతున్నారు. రీసెంట్ గా రకుల్ ప్రీత్ సింగ్, తాప్సీ పన్ను, అపర్ణ దాస్ వంటి తారలు వైవాహిక జీవితంలోకి అడుగుపెట్టారు. ఇప్పుడు మరో టాలీవుడ్ హీరోయిన్ పెళ్లికి సిద్ధం అవుతోందంటూ జోరుగా ప్రచారం జరుగుతోంది. ఇంతకీ ఆ హీరోయిన్ మరెవరో కాదు మేఘా ఆకాష్. తమిళ్ తెలుగు సినీ ప్రియులకు మేఘా ఆకాష్ అత్యంత సుప్రసిద్ధురాలు. చెన్నైలో ఈ ముద్దుగుమ్మ జ‌న్మించింది. ఆమె తల్లిదండ్రులు ఇద్దరూ ప్రకటన రంగంలో వ‌ర్క్ చేస్తున్నారు.
స్ట‌డీస్ కంప్లీట్ అయ్యాక యాక్టింగ్ పై ఉన్న మ‌క్కువ‌తో మేఘా ఆకాష్ గ్లామర్ ప్ర‌పంచం వైపు అడుగులు వేసింది. తెలుగు భాషా యాక్ష‌న్ థ్రిల్ల‌ర్ లై మూవీతో వెండితెర‌పై హీరోయిన్ గా అడుగు పెట్టింది. హను రాఘవపూడి దర్శకత్వం వహించిన ఈ చిత్రంలో నితిన్ కు జోడిగా మేఘా ఆకాష్ నటించింది 2017 లో విడుదలైన ఈ చిత్రం అనుకున్న స్థాయిలో విజయం సాధించలేదు. అయితే యాక్టింగ్ పరంగా మరియు గ్లామర్ పరంగా మేఘా ఆకాష్ విమర్శకుల నుంచి ప్రశంసాలు అందుకుంది. ఆ తర్వాత మళ్లీ నితిన్ తో క‌లిసి చల్ మోహన్ రంగా సినిమాలో నటించింది. కానీ ఈ సినిమా కూడా బాక్సాఫీస్‌ వద్ద బోల్తా పడింది.
అయితే ఈ ప‌రాజ‌యాల‌ను ఆమెకు వ‌చ్చే అవ‌కాశాల‌ను ఏ మాత్రం అడ్డుకోలేక‌పోయాయి. 2019లో సూప‌ర్ స్టార్ ర‌జ‌నీకాంత్ యొక్క పెట్టా మూవీతో తమిళ ఇండస్ట్రీలోకి ఎంట్రీ ఇచ్చిన మేఘా ఆకాష్.. అటుపై తెలుగు, తమిళ భాష‌ల్లో వ‌రుస చిత్రాల్లో నటించింది. స్టార్ హోదాను అందుకోలేక‌పోయినా న‌టిగా త‌న‌కంటూ ఒక ఇమేజ్ ను సంపాదించుకుంది. చివ‌రిగా తెలుగులో మను చరిత్ర, త‌మిళంలో వడక్కుపట్టి రామసామి చిత్రంలో క‌నిపించింది. ప్ర‌స్తుతం మజ్హై పిడికథ మనితన్ అనే తమిళ సినిమాతో పాటు తెలుగులో ఓ రెండు సినిమాల‌కు సైన్ చేసింది.
ఈ సంగ‌తి ప‌క్క‌న పెడితే.. మేఘా ఆకాష్ త్వ‌ర‌లోనే పెళ్లి పీట‌లెక్క‌బోతోందంటూ ప్ర‌స్తుతం ఈ వార్త నెట్టింట జోరుగా చ‌క్క‌ర్లు కొడుతోంది. ఈ విధంగా ప్రచారం జ‌ర‌గ‌డానికి కార‌ణం లేక‌పోలేదు. తాజాగా మేఘా ఆకాష్ త‌న ఇన్‌స్టాగ్రామ్ ఖాతాలో చేతికి మెహందీ పెట్టుకుని ట్రెడీష‌న‌ల్ లుక్ లో దిగిన కొన్ని ఫోటోల‌ను పంచుకుంది. ఈ ఫోటోల‌కు వెడ్డింగ్ వైబ్స్ అంటూ హ్యాచ్ ట్యాగ్ కూడా పెట్టింది. దీంతో మేఘా ఆకాష్ మ్యారేజ్ హాట్ టాపిక్ అయింది. ప్ర‌ముఖ వ్యాపార‌వేత్త‌తో మేహా ఆకాష్ పెళ్లి సెట్ అయింద‌ని.. త్వ‌ర‌లోనే ఆమె త‌న సింగిల్ లైఫ్ కు ఎండ్ కార్డ్ వేయబోతోంద‌ని సామాజిక మాధ్య‌మాల్లో ప్రచారం జరుగుతోంది. త‌న పెళ్లి విష‌యంపై ఫోటోల ద్వారా మేఘా ఆకాష్ హింట్ ఇచ్చిందంటూ చర్చించుకుంటున్నారు. మరి నిజంగానే ఈ అందాల భామ త్వ‌ర‌లో ఓ ఇంటిది కాబోతోందా..? లేదా.. ? అన్న‌ది తెలియాలంటే మేఘా ఆకాష్ లేదా ఆమె స‌న్నిహితులు స్పందించాల్సిందే.