ఒక‌ట్రెండు సంద‌ర్భాల్లో త‌ప్ప కొన్ని టైటిల్స్ సినిమా రంగానికి ఎందుక‌నో క‌లిసి రావు.. ఆ కోవ‌లోకి వ‌చ్చే టైటిల్ `హీరో`. ఈ టైటిల్ మెగాస్టార్ చిరంజీవి, త‌ర్వాత నితిన్ సినిమాలు చేశారు. ఈ రెండు చిత్రాలు ప్లాప్స్‌ గానే మిగిలాయి. అయితే ఇప్పుడు అదే టైటిల్‌తో క్రేజీ హీరో విజయ్ దేవ‌ర‌కొండ ఓ సినిమా చేయ‌బోతున్నాడు. ప్ర‌స్తావించాల్సిన విష‌య‌మేమంటే ఇది తెలుగు, త‌మిళంలో రూపొంద‌నుంది. తెలుగులో ప్ర‌ముఖ నిర్మాణ సంస్థ‌గా పేరున్న మైత్రీ మూవీ మేక‌ర్స్ ఈ చిత్రాన్ని నిర్మించ‌నుంది. అనంద అన్నామ‌లై అనే కొత్త ద‌ర్శ‌కుడు ఈ సినిమాను తెర‌కెక్కించ‌నున్నాడు. అయితే ఇప్పుడు విజయ్ దేవ‌ర‌కొండ డియ‌ర్ కామ్రేడ్ చేస్తున్నాడు.. దీని త‌ర్వాత క్రాంతి మాధ‌వ్‌, కె.ఎస్‌.రామారావు కాంబినేష‌న్‌లో రూపొందే సినిమాలో న‌టించ‌బోతున్నాడు. ఈ రెండు సినిమాల త‌ర్వాత‌నే బై లింగ్వువ‌ల్ సినిమా స్టార్ట్ అవుతుంద‌ట. ఈ సినిమాకు సంబంధించిన ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి. మరి చిరంజీవి, నితిన్‌కి క‌లిసి రాని `హీరో` టైటిల్ విజయ్ దేవ‌ర‌కి క‌లిసొస్తుందా? సెంటిమెంట్‌ను బ్రేక్ చేసి విజయ్ స‌క్సెస్‌ను సొంతం చేసుకుంటాడా? అనే విష‌యం తెలియాలంటే కొన్ని రోజులు ఆగాల్సిందే.