Google maps updates : ఒకప్పుడు ఏదైనా తెలియని ప్రాంతానికి వెళ్ళవలసి వస్తే.. చేతిలో లో ఒక కాగితం మీద ఆ అడ్రస్ రాసుకొని కనిపించిన వారందర్నీ ఈ అడ్రస్ తెలుసా అని అడిగేవారు.. మారుతున్న కాలంతో పాటు టెక్నాలజీలో అనేక మార్పులు వచ్చాయి.. ఎవరైనా ఎక్కడికైనా వెళ్లాలనుకున్నప్పుడు వారు వెళ్లాల్సిన గమ్యస్థానాలకు చేరుకోవడానికి గూగుల్ మ్యాప్స్ ను ఉపయోగిస్తున్నారు.. గమ్యస్థానం లను చేరుకోవడం కోసం గూగుల్ మ్యాప్స్ ను ఉపయోగించడం ఈ రోజుల్లో సర్వ సాధారణం అయింది.. తాజాగా గూగుల్ మ్యాప్స్ లో వాయిస్ కమాండ్స్ ద్వారా ప్రదేశాలను గుర్తించే సదుపాయాన్ని అందుబాటులోకి తీసుకొచ్చింది.. దీనికి సంబంధించిన పూర్తి సమాచారం ఇప్పుడు తెలుసుకుందాం..
చేతిలో స్మార్ట్ ఫోన్ వినియోగం పెరిగి నప్పటి నుంచి అందరూ గూగుల్ మ్యాప్స్ ను వినియోగిస్తున్నారు. ఎక్కడికి వెళ్లాలో లైవ్ లొకేషన్ ఎంచుకొని వెళ్తున్నారు. ఇప్పుడు ఎంచక్కా వాయిస్ కామండ్స్ తో సహా తీసుకెళ్తుంది. ఎప్పటికప్పుడు లేటెస్ట్ అప్డేటెడ్ ఫీచర్స్ తో యూజర్ ఆకర్షిస్తుంది. అందుకే గూగుల్ మ్యాప్స్ కు అంత క్రేజ్. యూజర్లను మరింత ఆకర్షించడానికి గూగుల్ మ్యాప్స్ సరికొత్త ఫీచర్స్ యాడ్ చేసింది. ఈ నేపథ్యంలో వాయిస్ కమాండ్స్ ద్వారా ప్రదేశాలను గుర్తించే సదుపాయాన్ని అందుబాటులోకి తీసుకొచ్చింది. ఈ ఫీచర్ కేవలం ఇంగ్లీష్ లోనే మాత్రమే కాకుండా తెలుగు , కన్నడ, పంజాబీ, మలయాళం, మరాఠీ , తమిళం ,హిందీ, గుజరాతి, ఒడిస్సా, బంగ్లా భాషల్లో అంతకు ముందు కంటే ఇప్పుడు ఇంకాస్త మెరుగా ఉపయోగించుకోవచ్చు . వాయిస్ కామండ్స్ ద్వారా ఏదైనా ప్రదేశాన్ని అడిగితే చాలు గూగుల్ దారి చూపిస్తుంది.
ఇందులో భాగంగానే గూగుల్ మ్యాప్స్ యాప్ లో కొత్తగా లక్షల సంఖ్యలో ప్రధానమైన ప్రదేశాలను కూడా జత చేశారు. దీంతో సమీపంలోని ఉన్న రైల్వే స్టేషన్లు , బస్టాండ్లు , దుకాణాలు, షాపింగ్ మాల్స్, థియేటర్స్ వంటి ప్రదేశాలను సులభంగా తెలుసుకునే అవకాశాన్ని కూడా కల్పించారు. వాయిస్ కమాండ్ ద్వారా యూజర్ అడిగే ప్రదేశాలను మ్యాప్ సులభంగా వెతికి చూపిస్తుంది. మ్యాప్స్ యాప్ లో కొత్తగా లక్షల సంఖ్య లో పాపులర్ ప్రదేశాలు లకు చెందిన పేర్లను అందులో యాడ్ చేశారు. వాటిని వాయిస్ కమాండ్ ద్వారా సర్చ్ చేయవచ్చు. ఆయా భారతీయ భాషలకు అనుగుణంగా మ్యాప్స్ ను అప్డేట్ చేసినట్లు గూగుల్ ప్రతినిధి తెలిపారు.