Bhagavanth Kesari: అనిల్ రావిపూడి దర్శకత్వంలో బాలకృష్ణ నటించిన “భగవంత్ కేసరి” ట్రైలర్ విడుదల కార్యక్రమం అభిమానుల మధ్య అంగరంగ వైభవంగా జరిగింది. ఈ సినిమాని ప్రముఖ నిర్మాణ సంస్థ షైన్ స్క్రీన్స్ బ్యానర్ పై సాహు గారపాటి, హరీష్ పెద్ది లు నిర్మించారు. అయితే ట్రైలర్ రిలీజ్ కార్యక్రమంలో భాగంగా స్పీచ్ తెలంగాణ యాసలో మాట్లాడి బాలకృష్ణ అందరిని ఆకట్టుకున్నారు. ఈ సినిమాలో శ్రీలీల పర్ఫామెన్స్ గురించి మాట్లాడుతూ సినిమా స్టార్ట్ అయిన నాటి నుండి చిచ్చా చిచ్చా అంటూ.. టార్చర్ చేసింది. అయితే ఈరోజు ఉదయమే నెక్స్ట్ సినిమాలో మనిద్దరం కలిసి హీరో హీరోయిన్ లుగా చేద్దామని అన్నాను.
ఇదే మాట ఇంటికి వెళ్లి కొడుకు మోక్షజ్ఞతో చెప్పాను. వాడు ఒక్కసారిగా నా మీద సీరియస్ అయిపోయాడు. ఎలాగో నేను హీరోగా ఇండస్ట్రీలో అడుగుపెడుతున్నాను. మరి ఇలాంటప్పుడు నువ్వు ఆవిడకి ఆఫర్ ఇస్తే ఎలా గ్రౌండ్.. ఫ్లోర్ బలిసిందా అని నామీద కోపపడ్డాడు. మోక్షజ్ఞ మాట్లాడిన మాటలకు నాకు చాలాసేపు అర్థం కాలేదు. శ్రీలీల గర్వించదగ్గనటి. ముఖ్యంగా తెలుగు నటి. తెలుగు నటులు చాలామంది ఉన్నారు.. కానీ రకరకాల పాత్రలు చేసిన ఆమె ఈ సినిమాలో ప్రత్యేకమైన అద్భుతమైన పాత్రలో కనిపిస్తోంది. అంతేకాదు ఈ సినిమా ద్వారా శ్రీలీలకు మరిన్ని అవకాశాలు లభిస్తాయి. శ్రీలీల చేసిన పాత్రలో నటనకు అంత ఆస్కారం ఉంది.
ఈ సినిమాలో ప్రతి పాత్ర బాగుంటుంది. కాజల్ అగర్వాల్ తో ఎప్పటినుండో చేయాలని అనుకున్నాను. ఈ సినిమాలో ఆమె బాగా నటించారు. ఈ సినిమాలో విలన్ పాత్రలో అర్జున్ రాంపాల్ కూడా అద్భుతమైన పెర్ఫార్మన్స్ చేశారు. ఇద్దరి మధ్య వచ్చే సన్నివేశాలు చాలా హైలెట్ గా ఉంటాయి. కాగా ఈ సినిమాలో బాలయ్య చాలా వైవిధ్యమైన పాత్రలో కనిపిస్తూ ఉన్నారు. దసరా నేపథ్యంలో విడుదల కాబోతున్న ఈ సినిమాపై బాలయ్య ఫ్యాన్స్ భారీ అంచనాలు పెట్టుకున్నారు.