Balakrishna: తమిళ బిగ్ బాస్ సీజన్ సెవెన్ లో నటీ విచిత్ర బాలకృష్ణపై చేసిన వ్యాఖ్యలు సోషల్ మీడియాలో సంచలనంగా మారాయి. 2001లో “భలేవాడివి బాసు” సినిమా చేస్తున్న సమయంలో బాలకృష్ణ తనని లైంగికంగా వేధించాడని ఆమె ఇండస్ట్రీలో కష్టాలు తెలియజేస్తూ వ్యాఖ్యానించింది. అడవులలో షూటింగ్ జరుగుతున్న సమయంలో అసభ్యంగా తాకుతూ ఎంతో ఇబ్బంది పెట్టారని చెప్పుకొచ్చింది. దీంతో మహిళలపై బాలకృష్ణకు అసలు గౌరవం లేదని విచిత్ర చేసిన కామెంట్లకు ఆ వార్తలపై తీవ్ర స్థాయిలో ప్రస్తుతం విమర్శలు వస్తున్నాయి. గతంలో సినిమా వేడుకలో పబ్లిక్ గా ఆడది కనబడితే కడుపు అయినా చేయాలి… ముద్దు అయినా పెట్టాలి అని బాలయ్య స్పీచ్ ఇచ్చి విమర్శల పాలయ్యారు. ఇప్పుడు నటి విచిత్ర చేసిన వ్యాఖ్యలకు మరింతగా విమర్శలు ఎదుర్కొంటున్నారు.
తెలుగు రాష్ట్రాలలో ఓ ప్రముఖ ముఖ్యమంత్రి కొడుకుగా పైగా ఇప్పుడు రాజకీయ నేతగా ఎమ్మెల్యేగా రాణిస్తున్న ఈ వ్యక్తి ఎప్పటికైనా మహిళా ప్రపంచానికి ప్రమాదమే అని విచిత్ర వ్యాఖ్యలపై సోషల్ మీడియాలో కామెంట్లు వస్తున్నాయి. ఇక ఇదే సమయంలో మరి కొంతమంది విచిత్ర వ్యాఖ్యలను ఆధారం చేసుకుని బాలకృష్ణ కొత్త సినిమా “భగవంత్ కేసరి” సినిమా డైలాగులపై సెటైర్లు వేస్తున్నారు. విషయంలోకి వెళ్తే ఈ సినిమాలో గుడ్ టచ్, బ్యాడ్ టచ్ అంటూ ఆడపిల్లలని చైతన్యవంతులను చేసే సన్నివేశంలో బాలకృష్ణ అమ్మాయిల శరీర భాగాలని ఎక్కడ టచ్ చేయకూడదో చెబుతూ… పాఠశాలలలో వివరిస్తారు.
అలా ఎవరైనా చేస్తే వెంటనే అమ్మకు చెప్పాలని బాలయ్య అంటారు. దీంతో మరి విచిత్ర పై నువ్వు చేసిన టచ్ లకు ఆమె మరెవరికి చెప్పాలి అంటూ.. సెటైర్లు వేస్తున్నారు. మంచి అనేది కేవలం కెమెరాలు ముందు స్టేజీల మందు చెప్పుకోవడం తప్ప వాస్తవంగా వ్యక్తిత్వ జీవితంలో ఉండాలి. మహిళల పట్ల ఈ రీతిగా అసభ్యకరంగా వ్యవహరించే వ్యక్తి సమాజంలో రాజకీయ నాయకుడిగా స్టార్ హీరోగా చలామణి కావటం సమాజం చేసుకున్న దురదృష్టం అంటూ చాలా ఘాటుగా విచిత్ర వ్యాఖ్యలకు బాలకృష్ణ పై విమర్శలు వెల్లువెత్తుతున్నాయి.