Prabhas: ప్రభాస్-మారుతి కాంబినేషన్ లో వస్తున్న మూవీ ‘రాజాసాబ్’. హారర్ కామెడీ జోనర్ లో వస్తున్న ఈ సినిమా షూటింగ్ హైదరాబాద్ పరిసరాల్లో శరవేగంగా జరుగుతోంది. కొన్నిరోజులుగా ప్రభాస్, నిధి అగర్వాల్ మధ్య సాగే సన్నివేశాలు చిత్రీకరిస్తున్నారని టాలీవుడ్ లో టాక్. ఇక ఈ మూవీ ఫస్ట్ సింగిల్ ను త్వరలోనే విడుదల చేసేందుకు మారుతి టీం సన్నాహాలు చేస్తోందట. “రాజాసాబ్” నుంచి ఇప్పటికే విడుదలైన ఫస్ట్ లుక్ కి విశేష స్పందన వచ్చింది. కెరియర్ లో ఇప్పటివరకు ప్రభాస్ ని ఏ దర్శకుడు చూపించని విధంగా మారుతి చూపించబోతున్నారు అంట. ప్రభాస్ లో ఉండే కొత్త కామెడీ యాంగిల్ ఈ సినిమాలో కనిపించబోతున్నట్లు ఇండస్ట్రీ వర్గాలు అంటున్నాయి.
ఈ సినిమా కోసం ఫ్యాన్స్ ఎంతగానో ఆశగా ఎదురు చూస్తున్నారు. ఈ క్రమంలో సినిమా వచ్చే ఏడాది సంక్రాంతి పండుగకు విడుదల అయ్యే అవకాశం ఉన్నట్లు వార్తలు వస్తున్నాయి. ఈ సినిమాకి తమన్ సంగీతం అందిస్తున్నారు. వరుసపరాజయాలలో ఉన్న ప్రభాస్ గత ఏడాది “సలార్” సినిమాతో అద్భుతమైన హిట్ అందుకున్నారు. ప్రస్తుతం “రాజాసాబ్” తో పాటు “కల్కి” సినిమాలు చేస్తున్నారు. “కల్కి” వచ్చే నెలలో విడుదల కాబోతోంది. జూన్ లేదా జులై మాసంలో “సలార్ 2” షూటింగ్ మొదలుకానుంది. ఈ రకంగా వరుసగా ప్రభాస్ సినిమాలు చేసుకుంటూ దూసుకుపోతున్నారు.
గతంలో ఒక్కో సినిమా కోసం దాదాపు ఏడాదిన్నర టైం తీసుకునే వాళ్ళు. కానీ వరుసగా సినిమాలు ప్లాప్ కావడంతో…”ఆదిపురుష్” తర్వాత ఒక సినిమా చేస్తూనే మరోపక్క ఇంకో సినిమాని సెట్స్ మీదకు తీసుకెళ్తున్నారు. మొత్తం అన్ని కూడా పాన్ ఇండియా ప్రాజెక్టులే. మే నెలలో “కల్కి” విడుదలైన తర్వాత ఒకపక్క “రాజాసాబ్” షూటింగ్ చేస్తూ మరోపక్క సలార్ 2.. మొదలుపెట్టి ఈ ఏడాది చివరిలో సందీప్ రెడ్డి వంగాతో చేయబోతున్న “స్పిరిట్” కూడా స్టార్ట్ చేయనున్నట్లు టాక్. ఈ రకంగా వరుసగా మూడు సినిమాలు సెట్స్ మీదకు… ప్రభాస్ తీసుకెళ్లబోతున్నారు.