Shakeela: బోల్డ్ బ్యూటీ షకీలా మనందరికీ సుపరిచితమే. వందల సినిమాలలో నటించిన ఈమె ప్రస్తుత కాలంలో పెద్దగా సినిమా అవకాశాలు రాక ఇండస్ట్రీకి దూరమైంది. ఇక ఇదే క్రమంలో బిగ్ బాస్ 7 అనే రియాలిటీ షోలో పాల్గొని మరోసారి తన ఫ్యాన్స్ ని పలకరించింది.
కానీ ఈ షో లో ఎక్కువకాలం నిలబడలేకపోయింది షకీలా. ఇక ఈ షో నుంచి బయటకు వచ్చిన అనంతరం ఈమెకి పెద్దగా సినిమా అవకాశాలు ఏమి రాలేదు. ఇక తాజాగా షకీలా కు ఓ చేదు అనుభవం ఎదురైంది. ఈమె పెంపుడు కుమార్తె శీతన్ ఆమెపై దాడి చేసింది.
ఈ క్రమంలోనే షకీలా పోలీసులకు ఫిర్యాదు సైతం చేసింది. కుటుంబ వ్యవహారాల విషయంలో మనస్పార్ధాలు తలెత్తడంతో శీతల్ నిన్న ఉదయం ఇంటి నుంచి వెళ్లిపోయింది. మాట్లాడుకునేందుకు రమ్మని పిలిస్తే తన తల్లిని వెంటపెట్టుకుని వచ్చింది శీతల్.
ఈ క్రమంలోనే నచ్చజెప్పడానికి ప్రయత్నించిన షకీల పై దాడి చేసిందని షకీలా పోలీసులతో పేర్కొంది. సాక్ష్యంగా తన చుట్టుపక్కల ఉన్న స్త్రీలు నిలబడ్డారు. ఇక కొంత సమయం తరువాత అదే పోలీస్ స్టేషన్లో శీతల్ షకీలా పై ఫిర్యాదు చేసింది. ఈమె పెట్టిన కేసుకి సాక్ష్యం లేనందున శీతల్ కేసుని రద్దు చేశారు పోలీసులు. ఇక షకీలా కి ఈమె.. అన్న కుమార్తె కావడం గమనార్హం. ఇక ఈ వార్త తెలుసుకున్న షకీలా ఫ్యాన్స్ ఆందోళనకి గురయ్యారు.