Manasichi Choodu: సీరియల్స్ ద్వారా మంచి గుర్తింపును సంపాదించుకుని అనంతరం బిగ్ బాస్ హౌస్ లో అడుగుపెట్టి తమకంటూ ప్రత్యేకమైన గుర్తింపును సంపాదించుకున్న ముద్దుగుమ్మలలో కీర్తి కూడా ఒకరు. సీజన్ 6 లో పాల్గొని ఈ అమ్మడు తన ఆట తీరుతో ప్రతి ఒక్కరిని ఆకర్షించింది. స్ట్రాంగ్ ప్లేయర్ గా గుర్తింపును సంపాదించుకుంది. టాస్కులతో తన సత్తా చాటుకుంది. ఇక కీర్తి ఒక దశలో టైటిల్ ఫేవరెట్ గా ప్రచారం దక్కించుకుంది. కీర్తి గత ఏడాది వివాహ జీవితంలోకి అడుగుపెట్టేందుకు నిశ్చితార్థం జరుపుకున్న సంగతి తెలిసిందే. కొన్నాళ్ళుగా ఈమె విజయ్ కార్తీక్ అనే వ్యక్తితో రిలేషన్ లో ఉంది. ఇక అతన్నే వివాహం చేసుకునేందుకు సిద్ధమయ్యింది కూడా. నిశ్చితార్థం జరిగి నెలలు గడుస్తున్న వివాహం చేసుకోవడం లేదు ఈ జంట. పైగా పెళ్లి చేసుకోకుండానే సహజీవనం చేస్తున్నారు.
ఇక దీనిపై విమర్శలు తలెత్తిన నేపథ్యంలో కీర్తి వివరణ ఇచ్చింది. ఈ బ్యూటీ మాట్లాడుతూ..” ఎంగేజ్మెంట్ జరిగాక ఇంత గ్యాప్ ఎందుకు తీసుకున్నారని అందరూ అడుగుతున్నారు. మాకంటూ కొన్ని కమిట్మెంట్స్ ఉన్నాయి. పైగా నా దగ్గర డబ్బులు లేవు. కార్తీక్ తో నిశ్చితార్థం అయ్యేవరకు నేను డబ్బులు సేవ్ చేయలేదు. సమాజ సేవకు ఖర్చు చేశాను. పేరుకే సీరియల్ హీరోయిన్ ని. బిగ్ బాస్ షో కి వెళ్లిన కూడా డబ్బులు లేవు. ఇప్పుడిప్పుడే సేవింగ్ చేస్తున్నాను. పెళ్లయిన వెంటనే మేమిద్దరం వేసే మొదటి అడుగు మా సొంత ఇంట్లో అయ్యుండాలి.
ఓకే ఇంట్లో ఉంటున్నాం. సహజీవనం చేస్తున్నాం. అందులో తప్పేమీ లేదు. సమాజానికి చెడు ఉద్దేశం ఇస్తున్నట్లు కాదు. మేము చరో ఇంట్లో ఉండడం వలన ఖర్చు పెరుగుతుంది. ఓకే ఇంట్లో ఉంటూ డబ్బులు సేవ్ చేస్తున్నాము అంతే. నేను షూటింగ్ నుంచి ఇంటికి రాగానే పలకరించే వ్యక్తి ఉంటే బాగుండు అనిపించేది. ఆ బాధ నాకు తెలుసు. విజయ్ కార్తీక్ నాకు డోర్ తీసి వెల్కం చెబుతాడు. అది నాకు చాలా బాగుంటుంది ” అంటూ చెప్పుకొచ్చింది కీర్తి. అలా పెళ్లి కాకముందే సహజీవనం చేయడానికి మనీ అడ్డొచ్చిందని వివరణ ఇచ్చింది ఈ బ్యూటీ.
సొంత ఇల్లు నిర్మించుకునే వరకు పెళ్లి లేదని ఆమె డైరెక్టుగా సమాధానమిచ్చింది. ప్రస్తుతం కీర్తి మధుర సాగరిలో టైటిల్ తో ఒక సీరియల్ చేస్తుంది. అదేవిధంగా యూట్యూబ్ లో కూడా యాక్టివ్గా ఉంటూ తగినంత సంపాదిస్తుంది. ఇప్పటివరకు ఈ బ్యూటీ తన డబ్బును మొత్తం సేవ కార్యక్రమాలకి వాడేసిందట. దీంతో ఇప్పుడు తాను షూటింగ్స్ పై మరియు youtube పై సంపాదించిన డబ్బును జాగ్రత్త పెడుతూ వస్తుంది. అలా జాగ్రత్త పెట్టిన డబ్బుతో తన పెళ్లిని ఎంతో ఘనంగా జరుపుకోవాలని ఆశిస్తుంది కీర్తి. ఇక తన కలలు నెరవేరాలని తన ఫ్యాన్స్ ఎంతగానో కోరుకుంటున్నారు. ప్రస్తుతం కీర్తి చేసిన వ్యాఖ్యలు సోషల్ మీడియాలో దుమారం రేపుతున్నాయి. ఈ వ్యాఖ్యలను చూసిన కొందరు పాజిటివ్గా స్పందిస్తుంటే మరికొందరు మాత్రం నెగెటివిటీని మరింత వెదజల్లుతున్నారు.