Venkatesh – Rana: ప్రముఖ నిర్మాణ సంస్థ సురేశ్ ప్రొడక్షన్స్‌లో నిర్మించే ప్రతీ సినిమాను లెజండరీ నిర్మాత దివంతగ డా.డి రామానాయుడు తనయుడు డి సురేశ్ బాబు ఫైనల్ చేస్తారు. అంతేకాదు అయన సోదురుడు వెంకటేశ్, కొడుకు రానా నటించే సినిమాల కథలు కూడా దాదాపు ఆయనే ఫైనల్ చేస్తారని చెప్పుకుంటుంటారు. కథ వింటే ఆ కథ ఎవరికీ సూటవుతుందో చెప్పగల టాలెంట్ ఉన్న నిర్మాత సురేశ్ బాబు. అలాగే సీన్‌ను బట్టి లొకేషన్‌ను క్యారెక్టర్‌ను బట్టి ఆర్టిస్టును ఫైనల్ చేయగల కెపాసిటీ ఉన్న అగ్ర నిర్మాత సురేశ్ బాబు. అంతేకాదు ఇతర భాషలో సూపర్ హిట్ అయిన సినిమాను తెలుగులో రీమేక్ చేసేందుకు రైట్స్ కొని దాన్ని ఇక్కడ ఏ హీరోతో చేస్తే హిట్ సాధిస్తుందో కూడా చెప్పగలరు.
అందుకే, సురేశ్ ప్రొడక్షన్స్‌లో రీమేక్ అయిన చాలా సినిమాలు బ్లాక్ బస్టర్ హిట్స్‌ను సాధించాయి. ఈ క్రమంలోనే ఇప్పుడు సోదరుడు వెంకటేశ్, కొడుకు రానా హీరోలుగా మలయాళ బ్లాక్ బస్టర్ సినిమాను రీమేక్ చేసేందుకు సన్నాహాలు చేస్తున్నారట. వెంకటేశ్‌కు రీమేక్ సినిమాలు బాగా కలిసి వస్తాయి. అందుకే సురేశ్ బాబు ఆయన కోసం మంచి కథలను వెతికి మరీ పట్టుకుంటుంటారు. ఇటీవల వెంకీ నటించిన దృశ్యం సీక్వెల్స్ ఎంత పెద్ద హిట్టయ్యాయో అందరికీ తెలిసిందే. అయితే, ఎప్పటి నుంచో వెంకీ – రానాలిద్దరికీ సూటయ్యే రీమేక్ కథను వెతుకుతున్నారట సురేష్ బాబు.
Venkatesh – Rana: త్వరలో ఈ ప్రాజెక్ట్‌కు సంబంధించిన అఫీషియల్ అనౌన్స్‌మెంట్‌..!
ఆ కథ ఇప్పుడు దొరికిందని సమాచారం ఆ సినిమానే మలయాళ బ్లాక్ బస్టర్ బ్రో డాడీ. మోహన్ లాల్ -పృథ్వీరాజ్ ఈ సినిమాలో తండ్రి – కొడుకులుగా నటించారు. ఇది రెండు కుటుంబాల మద్య సాగే కథ. మంచి కామెడీ ఎంటర్‌టైనర్‌గా వచ్చిన ఈ మూవీ మలయాళంలో భారీ వసూళ్ళను రాబట్టింది. మోహన్ లాల్ – పృథ్వీరాజ్ పాత్రలలలో వెంకీ – రానా సరిగ్గా సరిపోతారని సురేశ్ బాబు చాలా నమ్మకంతో ఈ మూవీ తెలుగు రీ మేక్ రైట్స్ దక్కించుకున్నారట. ఇందులో వెంకీ – రానా తండ్రీ – కొడుకులుగా నటిస్తారని సమాచారం. త్వరలో ఈ ప్రాజెక్ట్‌కు సంబంధించిన అఫీషియల్ అనౌన్స్‌మెంట్‌తో పాటు పూర్తి వివరాలు వెల్లడి కానున్నాయని తెలుస్తోంది.