Devatha Serial: దేవి, చిన్మయి స్కూల్ రెడీ అయ్యి వెళ్తుండగా.. క్యారేజ్ ఇవ్వమని చిన్మయి అడుగుతుంది. రాధ ఏదో పరధ్యానంలో ఉందని చిన్మయి అర్థం చేసుకుంటుంది.. క్యారేజ్ ఇవ్వగానే పిల్లలు స్కూల్ కి వెళ్లి పోబోతుండగా ఈ అమ్మకు ఇవ్వాల్సింది మర్చిపోయారా అని అడుగుతుంది.. అప్పుడు మళ్ళీ పిల్లలు వెనక్కు వచ్చి ముద్దు పెట్టి స్కూల్ కి బయలుదేరుతారు..
దేవిని చూడటానికి భాగ్యమ్మ స్కూల్ దగ్గరికి వస్తుంది. భాగ్యమ్మ దేవిని దగ్గరకి తీసుకుని ఆప్యాయంగా హత్తుకుంటుంది.. అవ్వ నువ్వు భద్రంగా పో అని అంటుంది. నాకు జాగ్రత్త చెబుతున్నావా బిడ్డా.. నువ్వు అచ్చం మీ అమ్మ నోట్లో నుంచి ఉడిపడినట్టు ఉన్నావు మనవరాలు అని అంటుంది..
రాధ జానకమ్మ దగ్గరకి వచ్చి మనం ఊరికి వెళ్ళాలి అని అంటుంది. మాధవ్ సార్ ను రమ్మని చెప్పండి అని చెబుతుంది. ఎక్కడమ్మా రాధ మనం వెళ్ళేది అంటే ముందు రెడీ అయ్యి రండి వెళ్దాం అంటుంది. మాధవ్ కూడా మనం ఎక్కడికి వెళ్తున్నాం అని అంటాడు. కానీ రాధ వెళ్ళాక మీకే తెలుస్తుంది కదా మంచి శుభవార్త వింటారు. ముఖ్యంగా మాధవ్ సార్ అని అంటుంది రాధ. మాధవ్ ను రాధ పెళ్లి చూపులకి తీసుకువెళ్తున్నట్టు అనిపిస్తుంది. రాధ మాధవ్ ను వాళ్ళ అమ్మ నాన్నల దగ్గర అడ్డంగా బుక్ చేసేలా ఉంది చూస్తుంటే.. ఏం జరుగుతుందో తరువాయి భాగంలో తెలుసుకుందాం.