Rana: స్టార్ హీరో దగ్గుబాటి రానా తండ్రి కాబోతున్నట్లు ఆయన భార్య మిహికీ బజాజ్ గర్భవతి అయినట్లు గత కొద్ది రోజులుగా సోషల్ మీడియాలో ప్రచారం జరుగుతున్న సంగతి తెలిసిందే. పైగా మిహికీ షేర్ చేసిన ఫోటోలు ఆమె కాస్త బొద్దుగా కనిపించడంతో… సోషల్ మీడియాలో వార్తలు షికారులు చేశాయి. అధికారిక ప్రకటన రాకముందే మిహికీ, రానా తల్లిదండ్రులు కాబోతున్నట్లు బయట ప్రచారం జరుగుతూ ఉంది.
ఇక ఇదే సమయంలో ఇటీవల ఆమె ఓ పాపని ఎత్తుకొని సోషల్ మీడియాలో పోస్ట్ చేయడంతో కొంతమంది అభినందనలు కూడా తెలిపారు. దీంతో కచ్చితంగా రానా తండ్రి అయినట్లు అందరు కన్ఫామ్ అయిపోయారు. సింగర్ కానిక కపూర్ సైతం ఈ జంటకి అభినందనలు తెలపడం జరిగింది. ఇలాంటి తరుణంలో వస్తున్న వార్తలపై దగ్గుబాటి రానా రియాక్ట్ అయ్యారు. తాను తండ్రి కాబోతున్నట్లు వస్తున్న వార్తలలో వాస్తవం లేదని ఖండించారు. భార్య మిహికీ గర్భవతి కాదని క్లారిటీ ఇచ్చారు. దీంతో బయట జరుగుతున్న ప్రచారానికి ఒక్కసారిగా పుల్ స్టాప్ పెట్టినట్లు అయింది.
మిహికీ, రానా సరిగ్గా లాక్ డౌన్ సమయంలో… ఆగస్టు 8వ తారీకు 2020న వివాహం చేసుకోవడం జరిగింది. పెళ్లయిన తర్వాత మిహికీ, రానా చాలావరకు సోషల్ మీడియాకి దూరంగా ఉంటూ వస్తున్నారు. ఈ క్రమంలో వీరిద్దరూ తల్లిదండ్రులు అయినట్లు కొద్దిరోజుల నుండి ప్రచారం జరగడంతో… రానా స్పందించారు. తాను తండ్రి అయినట్లు జరుగుతున్న ప్రచారంలో నిజం లేదని తెలపటం సంచలనం సృష్టించింది. ఆ సందర్భం వచ్చినప్పుడు ముందే తెలియజేస్తానని బయట జరుగుతున్న ప్రచారంలో నిజం లేదని రానా స్పష్టం చేశారు. ఇండాస్ట్రిలో అని రకాల పాత్రలు చేస్తూ కారియర్ కొనసాగిస్తున్న రానా ప్రస్తుతం వెబ్ సిరిస్ లపై ఎక్కువగా ఫోకస్ పెట్టడం జరిగింది.