Chiranjeevi Khaidi: మెగాస్టార్ చిరంజీవి కెరియర్ లో “ఖైదీ” సినిమా ఒక ప్రత్యేకం. ఈ సినిమాయే చిరంజీవికి మాస్ ఇమేజ్ తీసుకురావడం జరిగింది. 1978వ సంవత్సరంలో చిరంజీవి “పునాదిరాళ్లు” సినిమాతో ఎంట్రీ ఇవ్వడం జరిగింది. మధ్యలో చాలా సినిమాలు చేసినా గానీ “ఖైదీ” సినిమా చిరంజీవికి.. మంచి ఇమేజ్ తెచ్చి పెట్టింది. ఈ సినిమాలో చిరంజీవి డ్యాన్స్ మరియు డైలాగులు ఇంకా ఫైట్స్ అప్పట్లో హైలైట్ గా నిలిచాయి. “ఖైదీ” ముందు వరకు చిరంజీవి ఇమేజ్ ఒక ఎత్తు అయితే “ఖైదీ” తర్వాత.. తిరుగులేని ఇమేజ్ అని చెప్పవచ్చు.
ఆ టైంలో బాక్సాఫీస్ దగ్గర అనేక రికార్డులను సృష్టించడం జరిగింది. అప్పట్లోనే ఈ సినిమా ఎనిమిది కోట్ల గ్రాస్ కలెక్ట్ చేయడం జరిగింది. ఈ సినిమాతోనే చిరంజీవికి స్టార్ హీరో ఇమేజ్ రావటం జరిగింది. అంతేకాదు “ఖైదీ” తోనే కోదండరామిరెడ్డి చిరంజీవి కాంబినేషన్ సినిమాలు స్టార్ట్ అయ్యాయి. 1983 అక్టోబర్ 28వ తారీకు విడుదలైన ఈ సినిమా నేటికీ 40 సంవత్సరాలు కావటంతో చిరంజీవి సోషల్ మీడియాలో ఎమోషనల్ పోస్ట్ పెట్టారు. ‘ఖైదీ సినిమా నలభై ఏళ్ళు పూర్తి చేసుకుంది. ”ఈ చిత్రం నిజంగానే అభిమానుల గుండెల్లో నన్ను శాశ్వత ‘ఖైదీ’ని చేసింది. నా జీవితంలో ఓ గొప్ప టర్నింగ్ పాయింట్ ఆ చిత్రం ! ఆ చిత్రాన్ని ప్రేక్షకులు ఆదరించిన తీరు ఎప్పటికీ మరువలేనిది.
“ఖైదీ” విడుదలై నేటికి 40 సంవత్సరాలయిన సందర్భంగా ఒక సారి ఆ జ్ఞాపకాలను నెమరువేసుకుంటూ , ఆ చిత్ర దర్శకులు ఎ.కోదండరామిరెడ్డి గారిని, నిర్మాతలు సంయుక్తా మూవీస్ టీమ్‌ని, రచయితలు పరుచూరి సోదరులను, నాకో- స్టార్స్ సుమలత, మాధవిలని మొత్తం టీమ్‌ని అభినందిస్తూ, అంత గొప్ప విజయాన్ని మాకందించిన తెలుగు ప్రేక్షకులందరికీ నా హృదయ పూర్వక ధన్యవాదాలు అంటూ” చిరు ట్విట్ట‌ర్‌లో రాసుకోచ్చాడు. ప్రస్తుతం ఈ పోస్ట్ వైర‌ల్‌గా మారింది. కాగా ప్రస్తుతం చిరంజీవి వశిష్ట దర్శకత్వంలో కొత్త సినిమా స్టార్ట్ చేయడం జరిగింది. త్వరలోనే ఈ సినిమా రెగ్యులర్ షూటింగ్ స్టార్ట్ కానుంది. ప్రస్తుతం చిరంజీవి ఇటలీలో ఉన్నారు. నాగబాబు తనయుడు మెగా హీరో ప్రిన్స్ వరుణ్ తేజ్ పెళ్లి వేడుకకి హాజరు కావడం జరిగింది.