Guntur Kaaram: ఈ సంక్రాంతి పండుగకు మహేష్ బాబు నటించిన “గుంటూరు కారం” భారీ అంచనాల మధ్య విడుదలయ్యి బాక్సాఫీస్ వద్ద యావరేజ్ గా నిలిచింది. త్రివిక్రమ్ దర్శకత్వం వహించిన ఈ సినిమా స్టోరీ పరంగా… డైలాగులు పరంగా ప్రేక్షకులను ఏమాత్రం మెప్పించలేకపోయింది. త్రివిక్రమ్ మార్క్ పంచ్ సినిమాలో లేదని ఆడియన్స్ తెలియజేయడం జరిగింది. దాదాపు 12 సంవత్సరాల గ్యాప్ తర్వాత వీరి కలయికలో సినిమా రావడంతో… అభిమానులు భారీ అంచనాలు పెట్టుకున్నారు. గతంలో అతడు, ఖలేజా సినిమాలు ఆ రకంగానే వచ్చి ఫ్యాన్స్ నీ అలరించాయి.
దీంతో “గుంటూరు కారం” కూడా ఆ రకంగానే ఉంటుందని భావించగా.. అభిమానుల ఆశలు అడియాశలయ్యాయి. సినిమాలో మహేష్ బాబు డాన్స్ శ్రీలీల పెర్ఫార్మెన్స్ తప్ప చెప్పుకోవడానికి ఏమీ లేదు. అదేవిధంగా మ్యూజిక్ డైరెక్టర్ తమన్ అందించిన పాటలు సంగీత ప్రియులను అలరించాయి. ఇదిలా ఉంటే “గుంటూరు కారం” లో హిట్ అయిన సాంగులలో ఒకటి “ధమ్ మసాలా” సాంగ్. ఈ పాటకి మహేష్ మంచి స్టెప్స్ కూడా వేయడం జరిగింది. అయితే ఇప్పుడు ఈ సాంగ్ కి మహేష్ బాబు కూతురు సితార లుంగితో డాన్స్ వేయడం జరిగింది. సోషల్ మీడియాలో యాక్టివ్ గా ఉండే సితార తరచూ డాన్స్ వీడియోలు షేర్ చేస్తూ ఉంటది.
తాజాగా “ధమ్ మసాలా” సాంగ్ కి మాస్ స్టెప్ లతో పంచ కట్టులో మంచి పెర్ఫార్మెన్స్ ఇవ్వటం జరిగింది. సితార స్టెప్ లకు మహేశ్ అభిమానులు.. ఫిదా అవుతున్నారు. తండ్రికి తగ్గ తనయురాలు అని కొనియాడుతున్నారు. సితార ఈ వీడియో పోస్ట్ చేసి “ఇది నీకోసమే నాన్న” అని క్యాప్షన్ పెట్టడం విశేషం. ప్రస్తుతం మహేష్ బాబు రాజమౌళి సినిమా ప్రీ ప్రొడక్షన్ పనులలో బిజీబిజీగా ఉన్నారు. ఈ ఏడాది వేసవి కాలంలోనే సినిమా మొదలుకానున్నట్లు వార్తలు వస్తున్నాయి. ఇండియాలోనే వెయ్యి కోట్ల బడ్జెట్ తో నిర్మాణం జరుపుకుంటున్న సినిమాగా ఈ ప్రాజెక్టు రూపుదిద్దుకుంటుందని ప్రచారం జరుగుతుంది. మార్చి నెలలో ఈ సినిమాకి సంబంధించి అధికారిక ప్రకటన మీడియా సమావేశం ద్వారా రాజమౌళి తెలియజేయునన్నట్లు సమాచారం.