Yash: కన్నడ హీరో యష్ గురించి ప్రత్యేకంగా చెప్పనవసరం లేదు. “కేజిఎఫ్” సినిమాలతో పాన్ ఇండియా రేంజ్ లో ఇమేజ్ సంపాదించుకోవడం జరిగింది. ప్రశాంత్ నీల్ దర్శకత్వంలో వచ్చిన ఈ రెండు సినిమాలు కన్నడ ఇండస్ట్రీ లెవెల్ మార్చేశాయి. ఈ రెండు సినిమాలు రాకముందు వరకు చిన్న బడ్జెట్ తో కన్నడ ఇండస్ట్రీలో సినిమాలు చేస్తారని మాట్లాడుకునేవారు. కానీ “కేజీఎఫ్” సినిమాలు ఒక్కసారిగా కన్నడ ఇండస్ట్రీ యొక్క టాలెంట్ నిరూపించాయి. రెండు భాగాలు బాలీవుడ్ ఇండస్ట్రీలో రికార్డు స్థాయి కలెక్షన్స్ రాబట్టాయి. ముఖ్యంగా “కేజిఎఫ్” సెకండ్ పార్ట్ అనేక రికార్డులు క్రియేట్ చేయడం జరిగింది.
ఏకంగా వెయ్యి కోట్లకు పైగానే కలెక్షన్స్ సాధించింది. ఈ రెండు సినిమాలు యష్ ఇమేజ్ అమాంతం పెంచేసాయి. దీంతో ఒక ఏడాది గ్యాప్ తీసుకున్నా యష్ ఇటీవల తన తదుపరి ప్రాజెక్టు “టోక్సీక్” అని ప్రకటించడం జరిగింది. గోవా డ్రగ్స్ మాఫియా కథతో ఈ సినిమాని.. తెరకెక్కిస్తున్నట్లు సమాచారం. 400 కోట్ల బడ్జెట్ తో నిర్మిస్తున్నట్లు వార్తలు వస్తున్నాయి. ఈ సినిమా కోసం భారీ వర్కౌట్స్ చేసి యష్ మేకోవర్ అయ్యారు. అంతేకాదు ప్రత్యేకంగా గన్ షూటింగ్ క్లాసులు కూడా నేర్చుకోవడం జరిగింది. ఆల్రెడీ రిలీజ్ డేట్ వచ్చే ఏడాది ఏప్రిల్ 14 వ తారీకు అనగా “కేజిఎఫ్” రిలీజ్ అయిన రోజే విడుదల చేస్తున్నట్లు అధికారికంగా ప్రకటించారు. ఈ క్రమంలో క్యాస్టింగ్ గురించి ఆసక్తికర చర్చ జరుగుతుంది.
విషయంలోకి వెళ్తే ఈ సినిమాలో ఓ పవర్ ఫుల్ క్యారెక్టర్ కోసం బాలీవుడ్ స్టార్ హీరో షారుక్ ఖాన్ నీ తీసుకోవటానికి దర్శకురాలు గీత మోహన్ దాస్ రెడీగా ఉన్నట్లు వార్తలు వస్తున్నాయి. ఇప్పటికే షారుక్ కి.. స్టోరీ లైన్ వినిపించినట్లు ఆయన కూడా ఓకే చెప్పినట్లు సమాచారం. యాక్షన్ ఎపిసోడ్ తో ఈ పాత్ర ఉంటుందని.. ఆ రేంజ్ తగ్గ హీరో.. షారుక్ ఖాన్ నీ తీసుకుంటే బాగుంటుందని గీతు మోహన్ దాస్ సంప్రదించినట్లు సమాచారం. ప్రజెంట్ షారుక్ గెస్ట్ రోల్ పాత్రలకు చాలా దూరంగా ఉంటున్నారు. దాదాపు ఐదు సంవత్సరాలు గ్యాప్ తీసుకుని గత ఏడాది మూడు సినిమాలు చేయడం జరిగింది. మూడింటిలో రెండు భారీ హీట్ అయ్యాయి. ఈ క్రమంలో యష్ కొత్త సినిమా “టోక్సీక్” లో షారుక్ గెస్ట్ రోల్ చేస్తున్నట్లు వార్తలు రావడం పెద్ద చర్చగా మారింది.