Rebel OTT Release: ఒకే ఒక్క సినిమాతో ఓవర్ నైట్ లో స్టార్ అవడం అంటే ఏంటో ప్రతి ఒక్కరికి చాటి చెప్పిన హీరోయిన్ ప్రేమలు బ్యూటీ మమిత బైజు. కేవలం ఒకే ఒక సినిమాతో ఓవర్ నైట్ లో స్టార్ అయిపోయింది ఈ ముద్దుగుమ్మ. సాధారణంగా ఒక సినిమా హిట్ అయితే ఆ సినిమాలో నటించిన హీరోకి మంచి గుర్తింపు దక్కుతుంది. కానీ ఈ సినిమాలో మాత్రం అది డిఫరెంట్ గా జరిగిందని చెప్పొచ్చు. ఎప్పుడు హీరోలకేనా హీరోయిన్స్ కి ప్రశంసలు ఇవ్వరా అంటూ ప్రేక్షకుల ముందుకి వచ్చి ప్రతి ఒక్కరి మనసులను గలుచుకుంది ఈ ముద్దుగుమ్మ. ప్రేమలు మూవీలో రినీ రాయ్ పాత్రలో ఈమె అందం మరియు అభినయానికి అందరూ ఫిదా అయ్యారు.
ముఖ్యంగా యువత కలల రాణిగా మారింది ఈ తార. తెలుగులో సైతం ఈ ముద్దుగుమ్మ కి మంచి క్రేజ్ దక్కింది. మరో సాయి పల్లవి అంటూ ట్యాగ్ కూడా ఇచ్చారు. ప్రేమలు మూవీ అనంతరం ఈమెకు మలయాళం తో పాటు తెలుగు మరియు తమిళ్ భాషల్లో సినిమా ఆఫర్లు క్యూ కడుతున్నాయి. ప్రేమలు మూవీ తరువాత ఈ అమ్మడు నటించిన తమిళ్ చిత్రం రెబెల్. ప్రముఖ సంగీత దర్శకుడు జీవీ ప్రకాష్ కుమార్ ఇందులో హీరోగా నటించాడు. నికేష్ ఆర్ఎస్ దర్శకత్వం వహించాడు. మార్చ్ 22న థియేటర్లలో రిలీజ్ అయిన ఈ మూవీ యావరేజ్ గా నిలిచింది. దీంతో ఈ మూవీకి యావరేజ్ కలెక్షన్స్ వచ్చాయి. ఇక థియేటర్లలో విడుదలైన 15 రోజులకే ఈ మూవీ ఓటిటిలో ప్రత్యక్షమైంది.
అది కూడా ఎటువంటి ముందస్తు అనౌన్స్మెంట్ లేకుండా. ప్రముఖ ఓటీటీ ప్లాట్ఫారం అమెజాన్ ప్రైమ్ వీడియోలో ఈ మూవీ స్ట్రీమింగ్ అవుతుంది. తమిళ్ తో పాటు తెలుగులోనూ ఈ మూవీస్ స్ట్రీమింగ్ కు అందుబాటులో ఉంది. ఇటీవల అమెజాన్ ప్రైమ్ లో రిలీజ్ అవుతున్న సినిమాలు అన్ని చాలా సైలెంట్ గా రిలీజ్ అవుతున్నాయి. ఇక ఈ క్రమంలోనే రెబెల్ మూవీ కూడా రిలీజ్ అయింది. ఇక ఈ మూవీ ని చూసేందుకు ఎటువంటి డబ్బులు చెల్లించి అవసరం లేదు. అంటే అమెజాన్ ప్రైమ్ సబ్ స్క్రిప్షన్ ఉన్నవారు ఈ మూవీను ఉచితంగా చూడవచ్చు అన్నమాట.
స్టూడియో గ్రీన్ పథకంపై కేఈ జ్ఞానవేల్ రాజా, నేహా జ్ఞానవేల్ రాజా నిర్మాణంలో సుమారు రూ. 40 కోట్లతో పాన్ ఇండియా రేంజ్ లో ఈ మూవీను నిర్మించారు. ఇక ఈ మూవీ థియేటర్లో మిక్స్డ్ టాక్స్ సొంతం చేసుకుంది. మరి ఓటీడీలో ఏ విధమైన రెస్పాన్స్ దక్కించుకుంటుందో చూడాలి. ప్రస్తుత కాలంలో థియేటర్లో ప్లాప్ అయినా సినిమాలు సైతం ఓటీటీలో విడుదల ఈ మంచి టాక్ దక్కించుకుంటున్నాయి. అలా ఈ సినిమా కూడా థియేటర్లో యావరేజ్ గా నిలిచినప్పటికీ ఓటిటిలో మంచి టాక్ దక్కించుకుంటే మమిత బైజు కి రానున్న రోజుల్లో మరిన్ని అవకాశాలు అందుతాయని చెప్పవచ్చు. మరి ఏం జరుగుతుందో వేచి చూడాలి.