Allu Arjun: అల్లు అర్జున్ ఈ పేరు వింటే రెండు తెలుగు రాష్ట్రాల్లో స్టైలిష్ స్టార్ గుర్తుకొస్తాడు. మల్లు అర్జున్.. ఈ పేరు వింటే కేరళలో అభిమానులు ఊగిపోతారు. అల్లు అర్జున్ అని పిలిచిన బన్నీ అని పిలిచిన పలికేది ఒక్కడే అతనే మన స్టైలిష్ స్టార్ అల్లు అర్జున్. వీడు హీరో ఏంట్రా.. అనే స్థాయి నుంచి అభిమానుల చేత వీడురా హీరో అంటే అనే స్థాయికి ఎదిగి నమ్ముకోవాల్సింది రెడీమేడ్ గా ఉన్న అభిమానులని కాదు కష్టపడి సంపాదించిన అభిమానాన్ని అని తెలుసుకుని స్టైలిష్ స్టార్ గా ఎదిగాడు. తనకంటూ ఒక స్టైల్ ని ఏర్పరచుకుని వరస విజయాలతో ఇండస్ట్రీలని షేక్ చేస్తున్నాడు. 1983 ఏప్రియల్ 8న అల్లు అరవింద్, నిర్మల దంపతులకు చెన్నైలో జన్మించాడు బన్నీ. బన్నీ పుట్టిన మూడు సంవత్సరాల వరకు పేరు పెట్టలేదు. దాంతో ఈయనని అందరూ బన్నీ అని పిలిచేవారు. అయితే నాల్గవ సంవత్సరం పద్మ శేషాద్రి స్కూల్ కి తీసుకెళ్లినప్పుడు అరవింద్ గారిని మీ అబ్బాయి పేరు ఏంటి? అని అడిగాడట అక్కడ టీచర్.
ఇక అప్పుడు ఇంకా పేరు పెట్టలేదని చెప్పాడంట అరవింద్. దీంతో ఆశ్చర్యపోయిన టీచర్.. అప్పటికప్పుడు బియ్యం తెప్పించి.. ఆ తో మొదలయ్యే పేరుని సెలెక్ట్ చేయడం వల్ల ఈయనకి కలిసొస్తుందని అప్పటికప్పుడే అర్జున్ అని నామకరణం చేశారు. ఆ విధంగా పుట్టిన మూడు సంవత్సరాల వరకు పేరు లేని వ్యక్తి మన బన్నీ. ఇక బన్నీకి రెండేళ్ల వయసు ఉన్నప్పుడు మావయ్య ఆయన చిరంజీవి హీరోగా 1985లో నటించిన విజేత సినిమా షూటింగ్ కి తీసుకెళ్లాడు. ఇక ముద్దుగా.. బొద్దుగా ఉన్న అర్జున్ ని డైరెక్టర్ కోదండ రామారెడ్డి చూసి మంజులు గారి కొడుకుగా నటింప చేశారు. అనంతరం 1956 లో వచ్చిన స్వాతిముత్యం మూవీలో కూడా నటించాడు బన్నీ.
ఇక ఈ రెండు సినిమాల్లో కూడా బన్నీ అనుకుని నటించలేదు. అలా జరిగిపోయింది అంతే. ఒకవేళ నటించిన ఇప్పుడు ఇంత పెద్ద స్టార్ అవుతాడని ఎవరు ఊహించలేదు. ఇక అలా పెద్దయిన అనంతరం గంగోత్రి మూవీతో టాలీవుడ్ ప్రేక్షకులకి పరిచయం అయ్యి తన నటనతో ప్రతి ఒక్కరిని మెప్పించాడు బన్నీ. ఈ సినిమాలో లేడీ గెటప్ కూడా ధరించాడు. ఇక అనంతరం విడుదలైన అన్ని సినిమాలు కూడా ఈయనకి మంచి పేరు ప్రఖ్యాతలు తెచ్చిపెట్టాయి. ఇక బన్నీ ని పాన్ ఇండియా హీరో చేసిన సినిమా మాత్రం పుష్పనే. ప్రస్తుతం పుష్ప మూవీకి సీక్వెల్ తో ప్రేక్షకుల ముందుకి వచ్చేందుకు రెడీ అవుతున్నాడు బన్నీ. ఇక ఇదిలా ఉంటే నేడు అల్లు అర్జున్ పుట్టినరోజు.
ఈ సందర్భంగా పలువురు స్టార్ హీరోలు మరియు హీరోయిన్లు అల్లు అర్జున్ కు స్పెషల్ విషెస్ తెలియజేస్తున్నారు. ఇక అందరూ ఒకలాగా విషెస్ తెలియజేస్తుంటే తారక్ మాత్రం మరొక విధంగా విషెస్ తెలియజేసి ప్రస్తుతం సోషల్ మీడియాలో వైరల్ అవుతున్నాడు. ” Wishing you a Happy Birthday Bava ” అని ట్విట్టర్ ద్వారా విషెస్ తెలియజేసిన తారక్ కి బన్నీ రిప్లై ఇస్తూ..” thank you for your lovely wishes Bava..warm hugs ” అన్నాడు. ఇక దీనికి తారక్ మరోసారి స్పందిస్తూ..” only hugs? Party ledha Pushpa? ” అంటూ రాసుకు వచ్చాడు. ఇక దీనికి అల్లు అర్జున్ సమాధానం ఇస్తూ..” vastunna ” అంటూ రిప్లై ఇచ్చాడు. ప్రస్తుతం వీరిద్దరి చాట్ సోషల్ మీడియాలో ఫుల్ వైరల్ అవుతుంది.