Krishna Mukunda Murari: రేయ్ కృష్ణ మరో 12 రోజుల్లో ఇంట్లో నుంచి వెళ్ళిపోతుందా అని అంటుంది. అవును అని అంటాడు. అయితే మీరు ఇద్దరు కలిసి వెళ్తారా అని అంటే కాదు అని మురారి అంటాడు. కృష్ణ ఒక్కటే తన ఊరు వెళ్తుంది. ఎందుకంటే చిన్నప్పుడు డాక్టర్ చదివి ఆ ఊరు వాళ్ళకి సేవ చేస్తానని మాట ఇచ్చింది అని మురారి అంటాడు. అయితే నువ్వు తనతో పాటు వెళ్లవా అంటే అవును అంటాడు. అయితే నేను నిన్ను ట్రాన్స్ఫర్ చేయిస్తాను అని రేవతి అంటుంది. అయినా నేను వెళ్ళాను అని మురారి అనగానే.. మీది అగ్రిమెంట్ మ్యారేజ్ అని నాకు తెలుసు అని రేవతి అంటుంది.
Krishna Mukunda Murari: మురారి చెంప చెళ్లుమనిపించిన రేవతి.. రేపటికి సూపర్ ట్విస్ట్..
నీకు అసలు బుద్ధుందా, మీరు కావలసినప్పుడు మెడలో వేసుకోవడానికి, వద్దన్నప్పుడు తీసేయడానికి అదేమైనా ఫ్రెండ్షిప్ బ్యాండ్ అనుకుంటున్నావా అంటూ మురారి చంప పగలగొడుతుంది రేవతి. ఇంతకీ ఆ కృష్ణ ఎక్కడ అని రేవతి అంటుంది. ప్రేమ అనేది ఇద్దరు మనసులోనూ పుట్టాలి బలవంతంగా ఒకరి మనసులో మన ప్రేమను దూర్చకూడదు. కృష్ణ అంటే నాకు ప్రేమ లేదు. దయచేసి ఇంతకంటే నన్ను ఎక్కువ అడగకు అంటూ మురారి రెండు చేతులు ఎత్తి రేవతికి దండం పెడతాడు.
అరేయ్ మురారి పెళ్లి అంటే పవిత్రమైన బంధం. నాన్న నువ్వేమో చెబుతున్నావు. నాకు అవన్నీ తెలియవు కానీ నేను ఒక్కటే చెబుతాను. నువ్వు చేసేది మాత్రం తప్పు అసలు అగ్రిమెంట్ మ్యారేజ్ కి ఒప్పుకొని మీరిద్దరూ పెద్ద తప్పు చేశారు అని రేవతి మురారితో అంటుంది. ఈ విషయం అక్కకి తెలిస్తే తట్టుకోగలదా.. ఆ విషయం గురించి ఆలోచించావా, అన్నీ తెలిసి ఇదేంటి మురారి పెళ్లి చేసుకొని ఇన్ని రోజుల తరువాత ఇష్టం లేదంటే ఏం చెప్పను మీకు. రేయ్ మీరిద్దరూ తప్పు చేస్తున్నారు. నువ్వు అబద్ధం చెబుతున్నావో తను అబద్ధం చెబుతుందో నేనే తెలుసుకుంటాను అని రేవతి అక్కడి నుంచి వెళ్ళిపోతుంది.
కృష్ణ దగ్గరికి వచ్చి రేవతి కోపంగా కృష్ణ అని అంటుంది. ఏమైంది అత్తయ్య అని అడగగా.. క్యాలెండర్లో నువ్వు 16వ తారీకు మీద ఎందుకు రౌండ్ చేశావు అని అడుగుతుంది. నేను నా సబ్జెక్ట్ అయిపోవడం అని గుర్తుంచుకోవడానికి రౌండ్ చేసిన అలాగే ఇంకో ప్రత్యేకత కూడా ఉంది అనగానే.. ఏంటి మీ అగ్రిమెంట్ డేట్ అయిపోవడం అని రేవతి అనగానే కృష్ణ షాక్ అవుతుంది. మా అగ్రిమెంట్ మ్యారేజ్ గురించి మీకు ఎలా తెలుసు అని కృష్ణ అడుగుతుంది. నువ్వు మీ అగ్రిమెంట్ అయిపోగానే నువ్వు మమ్మల్ని వదిలేసి వెళ్లిపోతావా.. నాకు ఏం తెలీదు అని మీరు అనుకుంటారు. కానీ నాకు అన్ని తెలుసు అని మీకు తెలీదు అని రేవతి అంటుంది. అంటే మీరు మళ్లీ మా ఇద్దరికీ పెళ్లి చేయించి , మెట్టెలు తొడిగించడం, ఫార్మ్ హౌస్ కి పంపించడం, ఇవన్నీ కావాలనే చేయించారా అని కృష్ణ మనసులో అనుకుంటుంది. నా మనసు నీకు అర్థమైంది కానీ, మీ అబ్బాయికి అర్థం కాలేదు అత్తయ్య అని కృష్ణ మనసులో అనుకుంటుంది. ముద్దు కృష్ణ ఇప్పుడు నువ్వు బాధపడితే ఏసీబీ సార్ ఇష్టపడిన అమ్మాయికి నువ్వు ద్రోహం చేసినట్టు, నువ్వు అలాగా చేయకు అని కృష్ణ తనని తాను మనసులోనే సముదాయించుకుంటుంది. అత్తయ్య నన్ను క్షమించండి అని కృష్ణ అంటుంది. అవన్నీ కాదు కృష్ణ అగ్రిమెంట్ అయిపోయిన తర్వాత నువ్వు మమ్మల్ని వదిలేసి వెళ్ళిపోతావా వెళ్ళిపోవా ఆ విషయం చెప్పు అని రేవతి సూటిగా అడుగుతుంది. వెళ్ళక తప్పదు కదా అత్తయ్య అని కృష్ణ అంటుంది.
ఏంటి కృష్ణ అంతలా ఆలోచిస్తున్నావు మురారి అంటే నీకు ఇష్టం లేదా అని రేవతి ప్రశ్నిస్తుంది. లేదు, ఆయనంటే నాకు గౌరవం, అభిమానం, ఆరాధన, అంతే తప్ప ఆయన మీద నాకు వేరే ఉద్దేశం లేదు. పెళ్లి , సంసారం కంటే కూడా మా అమ్మానాన్నలకు ఇచ్చిన మాట మీదే నా ఫోకస్ ఉంచాను అని కృష్ణ అంటుంది. నిజం చెప్పు కృష్ణ మమ్మల్ని మోసం చేసిన పర్వాలేదు. మిమ్మల్ని మీరు మోసం చేసుకోకండి. ఇంతేనా కృష్ణ మన అనుభందం అని రేవతి ఏడుస్తూ అడుగుతుంది.
మన అగ్రిమెంట్ మ్యారేజ్ గురించి పెద్ద అత్తయ్య తో ఎప్పుడు చెబుతారు అని కృష్ణ మురారి ని అడుగుతుంది. ఈరోజు ఎలాగోలా చెప్పేస్తాను అని మురారి అంటాడు. మరోవైపు ముకుందా అలేఖ్య ఇద్దరూ కలిసి కృష్ణ మురారి లను విడగొట్టాలని , కృష్ణ ఎలాగైనా ఇంట్లో నుంచి వెళ్లిపోవాలని ముకుందా అంటుంది.