కొత్త సంవత్సరంలో కొత్త నోటిఫికేషన్లు రానున్నాయి.. తాజాగా తెలంగాణ ప్రభుత్వం వివిధ శాఖలలో ఉన్న ఖాళీలను భర్తీ చేయనునట్లు ప్రకటించింది.. అయితే రాష్ట్రంలోని ప్రభుత్వ శాఖలతో పాటు ప్రభుత్వ రంగ సంస్థలు (కార్పొరేషన్లు), సహకార సంస్థ (సొసైటీ)ల్లోని ఖాళీలను భర్తీ చేయాలని రాష్ట్ర ప్రభుత్వం నిర్ణయించింది.. దీంతో భర్తీ చేయనున్న ఉద్యోగాల సంఖ్య మరో 9 వేల మేరకు పెరిగే అవకాశం ఉంది. రాష్ట్రంలో ప్రభుత్వ రంగ సంస్థలు సొసైటీలు 195 పైగా ఉన్నాయి..
చాలా ఏళ్లుగా కార్పొరేషన్లు, సొసైటీల్లో ఉద్యోగాలు భర్తీ కావడం లేదు.. పదవి విరమణ లతోపాటు ఉద్యోగ ఖాళీలు పెరుగుతున్న వాటి స్థానంలో నియామకాలు జరగడం లేదు. అన్ని కార్పొరేషన్లో కలిపి 8920 పైగా పోస్టులు ఖాళీగా ఉన్నాయని ప్రాథమిక సమాచారం. మరోవైపు కొన్ని సంస్థలు సొసైటీలు అధికారులు ఉద్యోగులు డెప్యుటేషన్పై ఇతర శాఖల్లో పనిచేస్తున్న సంస్థలో ఉద్యోగం ప్రభుత్వరంగ ఖాళీలు భర్తీ కావడం లేదు.
అటవీ అభివృద్ధి సంస్థ, రాష్ట్ర పౌరసరఫరాలు, టీవి చలనచిత్ర అభివృద్ధి సంస్థ, వైధ్య ఆరోగ్య మౌలిక సదుపాయాలు సంస్థ, టీఎస్ టీఎస్, ఖజానాభివృధి సంస్థ, రాష్ట్ర విత్తనాభివృద్ధి సంస్థ, రాష్ట్ర క్రీడాప్రాధికార సంస్థ, గొర్రెలు – మేకలు అభివృద్ధి సంస్థ, పాడి పరిశ్రమ, రాష్ట్ర గిడ్డంగుల సంస్థ, రాష్ట్ర చేనేత సహకారక సంస్థ, తెలంగాణ ఫుడ్స్ ,ఖాదీ గ్రామీణ పరిశ్రమల అభివృద్ధి సంస్థలకు సంబంధించిన ఉద్యోగాలు భర్తీ చేసే వాటిలో ఇవి ఉన్నాయి. తాజాగా తెలంగాణ ప్రభుత్వంలో మొత్తం 49,000 ఖాళీలు ఉన్నాయని ఈ పోస్టులు వాటికీ అదనం కానున్నాయి.